தங்கம் விலை சவரனுக்கு ரூ.552 குறைந்தது!

சென்னை: தங்கம் விலையில் நேற்று திடீர் சரிவு ஏற்பட்டது. வெள்ளிக்கிழமை மாலை சவரனுக்கு ரூ.552 குறைந்து விற்பனையானது.

இது நகை வாங்குவோர் மத்தியில் சிறிய சந்தோஷத்தை ஏற்படுத்துவதாக இருந்தது.

தங்கத்தின் மீதான முதலீடு அதிகரித்தது மற்றும் சர்வதேச அளவிலான தங்க இருப்பு நிலவரம், அமெரிக்க டாலர் மதிப்பு போன்றவை காரணமாக தங்கம் விலை நிலையற்ற தன்மையைக் கொண்டதாகிவிட்டது.

எப்போதும் இல்லாத அளவிற்கு இந்த ஆண்டு மட்டும் சுமார் 6 ஆயிரம் ரூபாய் அளவுக்கு சவரன் தங்கம் விலை ஏறியது. இந்த நிலையில் நேற்று தங்கத்தின் விலை சிறிது குறைந்தது.

ரூ.552 குறைந்தது

நேற்று முன்தினம் ஒரு கிராம் தங்கம் ரூ.2,645-க்கும், பவுன் தங்கம் ரூ.21 ஆயிரத்து 160-க்கும் விற்பனையானது.

நேற்று கிராமுக்கு ரூ.69 குறைந்து, ரூ.2,576-க்கும், சவரன் தங்கம் ரூ.552 குறைந்து ரூ.20 ஆயிரத்து 608-க்கும் விற்பனையானது. அதாவது ஒரே நாளில் ரூ.552 குறைந்துள்ளது.

ஆனால் எந்த அளவு விலை குறைகிறதோ, அதைவிட இரு மடங்கு விலை உயர்வதுதான் தங்கம் விஷயத்தில் கடந்த சில தினங்களாக நாம் பார்த்து வரும் போக்காகும்.

எனவே இன்று சனிக்கிழமை அல்லது திங்களுக்குள் இப்போது குறைந்துள்ளதை விட இருமடங்கு விலை உயரும் என எதிர்ப்பார்க்கலாம்.

English summary

Gold Price decline sharply on Friday evening about Rs 552 per sovereign in Chennai market. The selling price of gold is Rs 20608 per sovereign.