சு.சாமி வழக்கு: 2ஜி வழக்கில் ப.சிதம்பரத்தை சேர்க்க மத்திய அரசு- சிபிஐ எதிர்ப்பு

டெல்லி: 2ஜி ஸ்பெக்ட்ரம் ஒதுக்கீட்டு வழக்கில் மத்திய உள்துறை அமைச்சர் ப.சிதம்பரத்தையும் ஒரு குற்றவாளியாக சேர்த்து விசாரிக்க வேண்டும் என்ற ஜனதா கட்சித் தலைவர் சுப்பிரமணிய சாமியின் கோரிக்கைக்கு மத்திய அரசும், சிபிஐயும் எதிர்ப்புத் தெரிவித்துள்ளன.

இது தொடர்பாக சுப்பிரமணிய சாமி தாக்கல் செய்த மனு மீதான விசாரணை இன்று உச்ச நீதிமன்றத்தில் நடந்தது.

அப்போது, சிபிஐ தரப்பில் ஆஜரான வழக்கறிஞர் வாதாடுகையில், சிபிஐயின் விசாரணையில் உச்ச நீதிமன்றம் நேரடியாகத் தலையிட முடியாது. இதில் புதிய குற்றவாளிகளை சேர்ப்பது குறித்தோ, மேலும் விசாரணை நடத்த வேண்டும் என்பது குறித்தோ விசாரணை நீதிமன்றம் தான் எந்த முடிவையும் எடுக்க முடியும் என்றார்.

அதே போல மத்திய அரசு வழக்கறிரும் சாமியின் கோரிக்கைக்கு எதிர்ப்புத் தெரிவித்தார்.

English summary

Central government and CBI on Tuesday opposed any inquiry against Home Minister P Chidambaram in 2G scam case. CBI told Supreme Court that the apex court cannot interfere or direct police investigation in a particular manner.