தமிழகத்தில் இன்னும் சினிமாக்காரர்கள் ஆட்சி நடக்கிறது: இல.கணேசன்

பரமக்குடி: மத்தியில் ஆளும் காங்கிரஸ் அரசு ஊழலில் சிக்கி தவி்க்கிறது. ஊழலை எதிர்த்து போராட காங்கிரஸ் கட்சியினருக்கு தைரியம் இல்லை என்று பாஜக தேசிய செயற்குழு உறுப்பினர் இல.கணேசன் குற்றம் சாட்டி உள்ளார்.

பரமக்குடியில் பாஜக வேட்பாளர்களை ஆதரித்து அக்கட்சியின் தேசிய செயற்குழு உறுப்பினர் இல.கணேசன் பேசியதாவது, மத்தியில் ஆளும் காங்கிரஸ் அரசு ஊழலில் சிக்கி தவி்த்து வருகின்றது. காங்கிரஸ் ஆளும் மாநிலத்திலும் ஊழல் கொடி கட்டி பறக்கிறது. ஊழலை எதிர்த்து போராட காங்கிரஸ் கட்சியினருக்கு தைரியம் இல்லை.

ஆனால், கடந்த பாஜக ஆட்சியில், வாஜ்பாய் தலைமையிலான ஆட்சியில் நாடு ஊழலற்ற, மகத்தான பல்வேறு சாதனைகள் படைத்துள்ளது. மத்திய அரசு வெளியிட்டுள்ள வளர்ச்சியடைந்த முதல் 10 மாநிலங்களின் பட்டியலில் பாஜக ஆட்சி செய்யும் 7 மாநிலங்கள் தேர்ந்தெடுக்கப்பட்டு உள்ளன.

தமிழகத்தில் திமுகவுக்கு மாற்று அதிமுக என்ற அடிப்படையில் மக்கள் மாறி, மாறி 2 பேருக்கும் வாக்களித்து தமிழகமே கீழே சென்றுவிட்டது. பாஜக ஆளும் குஜராத் மாநிலங்களில் அடிப்படை கட்டமைப்புகள் நிறைவேற்றி தொழில் வளர்ச்சி சாதனை படைத்து வருகிறது. ஆந்திராவிற்கு அடுத்து தமிழகத்தில் இன்னும் சினிமாக்காரர்கள் ஆட்சி இருந்து வருகிறது, என்றார்.

English summary

BJP leader La.Ganeshan said that, Congress had no courage to oppose the corruption in country. So the central government and congress ruling states are suffering with corruption.