மத்திய பிரதேச வைரச் சுரங்கத்தில் 37.68 கேரட் வைரம் வெட்டிஎடுப்பு

பன்னா: உயர்தரம் மிக்க அதிக விலைமதிப்பு கொண்ட வைரம் ஒன்று மத்திய பிரதேசத்தில் பன்னா வைரச் சுரங்கத்தில் வெட்டி எடுக்கப்பட்டுள்ளது.

37.68 கேரட் உடைய இந்த வைரம் 2 கோடியில் இருந்து 5 கோடி ரூபாய் வரை மதிப்பிடப்பட்டுள்ளது.

மத்திய பிரதேச மாநிலம் பன்னா என்ற இடத்தில் பிரசித்தி பெற்ற வைரச்சுரங்கம் உள்ளது. தேசிய சுரங்க மேம்பாட்டுக்கழகம் மூலம் இங்கிருந்து வைரம் வெட்டி எடுக்கப்படுகிறது. இந்த ஆண்டு மிகவும் அதிக விலை உயர்ந்த 37.68 கேரட் மதிப்பிலான வைரம் வெட்டி எடுக்கப்பட்டுள்ளது.

இதுவரை வெட்டி எடுக்கப்பட்டதிலேயே இதுதான் மிகப்பெரிய வைரமாகும். இது 2 கோடி ரூபாய் முதல் 5 கோடி ரூபாய் விலை மதிப்பிடப்பட்டுள்ளது என்று தேசிய சுரங்க மேம்பாட்டுக்கழக பொது மேலாளர் ராஜீவ் வத்சவா தெரிவித்துள்ளார்.

12 லட்சம் கேரட் வைரங்கள்

பன்னா சுரங்கத்தில் இருந்து 2003 ஆண்டு 30.30 கேரட் வைரமும் 2005-ம் ஆண்டு 32 கேரட் வைரமும், 2010 –ம் ஆண்டு 34.37 கேரட் வைரமும் வெட்டி எடுக்கப்பட்டுள்ளது இதுவரை சாதனையாக இருந்தது வந்தது.

இந்த ஆண்டு அந்த சாதனையை முறியடிக்கும் விதமாக 37.68 கேரட் வைரம் வெட்டி எடுக்கப்பட்டுள்ளது. பன்னா வைரச் சுரங்கத்தில் மொத்தம் 12 லட்சம் கேரட் வைரங்கள் வரை இருப்பதாக மதிப்பிடப்பட்டுள்ளது.

English summary

The state-run mineral giant National Mineral Development Corporation has struck it rich, unearthing a 37.68 carat diamond - the biggest ever gem produced from the legendary diamond mines in Panna in Madhya Pradesh and valued at between Rs. 25 million and Rs. 50 million. The Panna mines have estimated reserves of 1.2 million carats of diamond