தங்கம் சவரன் ரூ 22000!!

சென்னை: தங்கத்தின் விலை சவரன் ரூ 22000 ஆயிரமாக உயர்ந்துள்ளது. தங்கத்தின் விலையில் தாறுமாறான ஏற்றம் காணப்பட்டு வருகிறது.

தீபாவளிக்கு முன் சற்று குறைவது போல போக்குக் காட்டிய தங்கத்தின் விலை, டாலர் மதிப்பு உயர்ந்ததால், மீண்டும் முருங்கை மரமேறத் தொடங்கியது.

இன்று ஒரே நாளில் தங்கம் விலை ரூ.248 அதிகரித்து சவரன் ரூ.22 ஆயிரத்தை தொட்டது.

சென்னையில் நேற்று முன் தினம் ஒரு பவுன் ரூ.21 ஆயிரத்து 768 ஆக இருந்தது. நேற்று பவுனுக்கு ரூ.40 குறைந்து ரூ.21 ஆயிரத்து 728 ஆக இருந்தது.

இன்று ஒரே நாளில் பவுனுக்கு ரூ.248 அதிகரித்து ரூ.21 ஆயிரத்து 976 ஆக உள்ளது. அதாவது ஒரு பவுன் ரூ.22 ஆயிரம். மதுரை, சேலம், கோவையில் ரூ 22100 ஆக உயர்ந்துள்ளது.

ஒரு கிலோ வெள்ளி ரூ.55 ஆயிரத்து 770 ஆகவும், ஒரு கிராம் ரூ.59.65 ஆகவும் உள்ளது.

English summary

Gold rate reacehd almost Rs 22k today due to the rise in the value of US Dollar. The selling price of gold in Chennai is Rs 21976 per sovereign.