சென்னையில் பெட்ரோல் விலை 83 பைசா குறைப்பு: 2 வாரங்களில் 2வது விலை குறைப்பு

டெல்லி: பெட்ரோல் விலை மீண்டும் குறைக்கப்பட்டுள்ளது. கடந்த 2 வாரங்களில் 2 முறை பெட்ரோல் விலை குறைக்கப்பட்டுள்ளது.

கடந்த 2 வாரங்களுக்கு முன்பு தான் பெட்ரோல் விலை குறைக்கப்பட்டது. இந்நிலையில் மறுபடியும் பெட்ரோல் விலை குறைக்கப்பட்டுள்ளது. இந்த புதிய விலை நேற்று நள்ளிரவு முத்ல அமலுக்கு வந்தது.

அதன்படி சென்னையில் பெட்ரோல் விலை லிட்டருக்கு 83 பைசா குறைந்து ரூ.69.55க்கு விற்கப்படுகிறது.

புதிய விலை: (1 லிட்டர் பெட்ரோல்)

நகரம்	பழைய விலை	புதிய விலை
பெங்களூர்	74.36	73.51
தில்லி	66.42	65.64
மும்பை	71.47	70.65
கொல்கத்தா	70.84	70.02

கடந்த மாதம் 16ம் தேதி பெட்ரோல் விலை லிட்டருக்கு ரூ. 2.22 குறைக்கப்பட்டது. கடந்த 3 ஆண்டுகளில் கடந்த மாதம் தான் முதன்முறையாக பெட்ரோல் விலை குறைக்கப்பட்டது. முன்னதாக டாலருக்கு எதிரான இந்திய ரூபாயின் மதிப்பு பெருமளவு குறைந்ததால் நவம்பர் 4ம் தேதி எண்ணெய் நிறுவனங்கள் பெட்ரோல் விலை லிட்டருக்கு ரூ.1.80 உயர்த்தின.

தற்போது சர்வதேச சந்தையில் கச்சா எண்ணெயின் விலை குறைந்துள்ளதால் பெட்ரோல் விலை மீண்டும் குறைக்கப்பட்டுள்ளது என்று இந்தியன் ஆயில் கார்பரேஷன் அறிவித்துள்ளது. கடந்த ஆண்டு ஜூன் மாதம் பெட்ரோல் விலையை நிர்ணயிக்கும் உரிமையை மத்திய அரசு எண்ணெய் நிறுவனங்களுக்கு வழங்கியது என்பது குறிப்பிடத்தக்கது.

English summary

Oil companies have reduced the petrol price as the crude oil price has decreased in the international market. This is the second reduction in the last 2 weeks. According to the new reduction a litre petrol costs Rs. 69.55 in Chennai(83 paise reduction).