க. அன்பழகனுக்கு வயது 90: கருணாநிதி, ஸ்டாலின் நேரில் வாழ்த்து

சென்னை: திமுக பொதுச் செயலாளர் க. அன்பழகன் இன்று தனது 90வது பிறந்தநாளைக் கொண்டாடினார். அவருக்கு திமுக தலைவர் கருணாநிதி, பொருளாளர் மு.க. ஸ்டாலின் ஆகியோர் நேரில் வாழ்த்து தெரிவித்தனர்.

திமுக பொதுச் செயலாளர் க. அன்பழகன் இன்று தனது 90வது பிறந்தநாளைக் கொண்டாடினார். காலை 7 மணிக்கு அண்ணா நினைவிடம் மற்றும் பெரியார் நினைவிடத்தில் மலர்வளையம் வைத்து மரியாதை செலுத்தினார். அதன் பிறகு கீழ்ப்பாக்கம் ஆஸ்பிரான் தோட்டத்தில் உள்ள தனது வீட்டில் கேக் வெட்டி பிறந்தநாளைக் கொண்டாடினார்.

காலை 9.45 மணிக்கு திமுக தலைவர் கருணாநிதி அன்பழகனின் வீட்டிற்கு வந்து அவருக்கு பொன்னாடை போர்த்தி வாழ்த்தினார். பொருளாளர் மு.க.ஸ்டாலினும் நேரில் வந்து வாழ்த்து தெரிவித்தார்.

மேலும் திமுக முன்னாள் அமைச்சர்கள் ஆற்காடு வீராசாமி, துரைமுருகன், வீரபாண்டி ஆறுமுகம், பொன்முடி, தா.மோ. அன்பரசன், சற்குணபாண்டியன், மதிவாணன், ரகுபதி, வெங்கடபதி, முத்துசாமி, மு.க. தமிழரசு மற்றும் நிர்வாகிகள் வாழ்த்து தெரிவித்தனர்.

English summary

DMK general secretary K. Anbazhagan turns 90 today. DMK chief Karunanidhi, treasurer MK Stalin, former ministers and functionaries have wished him in person.