வார்டு உறுப்பினர் பதவிக்குக் கூட வாய்ப்பு தராத டாக்டர் ராமதாஸ்-பாமக மாநில து. தலைவர் விலகல்

Published: Sunday, December 25, 2011, 13:05 [IST]

Subscribe to Oneindia Tamil

சென்னை: பாமக மாநிலத் துணைத் தலைவராக இருந்த சோழனூர் மா. ஏழுமலை என்பவர் கட்சிப் பொறுப்பிலிருந்து விலகுவதாக அறிவித்துள்ளார். ஒரு வார்டு உறுப்பினரைக் கூட நியமிக்க தனக்கு அதிகாரம் தரப்படவில்லையே என்று அவர் குமுறியுள்ளார்.

இதுகுறித்து கட்சி நிறுவனரான டாக்டர் ராமதாஸுக்கு அவர் அனுப்பியுள்ள கடிதத்தில்,

கடந்த 25 ஆண்டு காலம் கட்சிக்காகத் தீவிரமாக பணியாற்றிய போதும் நடந்து முடிந்த உள்ளாட்சித் தேர்தலில் உத்தரமேரூர் பேரூராட்சி 17 வது வார்டில் போட்டியிட பா.ம.க.நகர தலைவர் தா.சுப்பராயனுக்கு வாய்ப்பு கேட்டு உங்களிடத்தில் அனுமதியும் பெற்றேன்.

கட்சியின் நிறுவனத் தலைவர் நீங்கள் கொடுத்த அந்த வாய்ப்பு பிறகு மாற்றியமைக்கப்பட்டது. இதனால் நான் மிகவும் மனவேதனை அடைந்துள்ளளேன்.

வார்டு உறுப்பினர் பதவிக்குக் கூட வாய்ப்பு அளிக்க முடியாத நான், என் உழைப்புக்கும், பதவிக்கும் தகுதியில்லை என நினைத்து பா.ம.க. மாநில துணைத் தலைவர் பதவியிலிருந்து விலகுகிறேன் என்று கடிதத்தில் கூறியுள்ளார்.

விலகலைத் தொடர்ந்து இவர் பண்ருட்டி வேல்முருகனுடன் கை கோர்ப்பாரா என்ற எதிர்பார்ப்பு நிலவுகிறது.

Published On December 25, 2011