பெக்காமுக்காக அடித்துக்கொள்ளும் ஆக்ஸ்போர்டு, கேம்பிரிட்ஜ் பல்கலைக்கழகங்கள்
லண்டன்: இங்கிலாந்தைச் சேர்ந்த கால்பந்தாட்ட வீரர் டேவிட் பெக்காமை தங்கள் மாணவர் சங்க கூட்டத்தில் சிறப்புரையாற்ற வைக்க ஆக்ஸ்போர்டு மற்றும் கேம்பிரிட்ஜ் பல்கலைக்கழகங்கள் போட்டி போடுகின்றன என்று கூறப்படுகின்றது.
உலகப் புகழ்பெற்ற ஆக்ஸ்போர்டு மற்றும் கேம்பிரிட்ஜ் பல்கலைகழகங்களின் மாணவர் சங்கத்தினர் நடத்தும் விழாவில் இங்கிலாந்தைச் சேர்ந்த பிரபல கால்பந்தாட்ட வீரர் டேவிட் பெக்காமை சிறப்புரையாற்ற வைக்க அவ்விரு பல்கலைக்கழகங்கள் போட்டி போடுகின்றன.
டேவிட் பெக்காம் சிறந்த முன்உதாரணமாகத் திகழ்வதால் அவரை விழாவில் பேச வைக்க மாணவர் சங்கங்கள் விரும்புவதாகக் கூறப்படுகிறது. சிறப்புரையாற்ற பெக்காம் உகந்த நபராக இல்லாமல் இருக்கலாம். ஆனால் அவரை அழைத்து வரத் தான் மாணவர்கள் விரும்புகின்றனர் என்று கூறப்படுகிறது.
வழக்கமாக மாணவர் சங்கங்கள் நிறைய பணம் செலவளித்து விருந்தினரை அழைப்பதில்லை. ஆனால் எவ்வளவு பணம் செலவானாலும் சரி என்று டேவிட் பெக்காமை அழைக்க இந்த 2 பல்கலைக்கழக மாணவர் சங்கங்கள் போட்டி போடுகின்றன என்று ஆங்கில நாளிதழ் ஒன்று செய்தி வெளியிட்டுள்ளது.
Click it and Unblock the Notifications
Sign in with Google