மத்திய அமைச்சர் மு.க. அழகிரி முன்னிலையில் சுயேச்சை பெண் கவுன்சிலர் திமுகவில் ஐக்கியம்

மதுரை: மதுரையில் மத்திய அமைச்சர் மு.க. அழகிரி முன்னிலையில் சுயேச்சை பெண் கவுன்சிலர் தங்கம் திமுகவில் ஐக்கியமானார்.

மதுரை மாநகராட்சி, 53 வது வார்டு (பங்கஜம் காலனி) சுயேட்சை கவுன்சிலராக இருப்பவர் தங்கம். இவர் மத்திய அமைச்சர் மு.க. அழகிரி முன்னிலையில் திமுகவில் இணைந்தார். இவரின் கணவர் தட்சிணாமூர்த்தி, இதே வார்டில் ஏற்கனவே கவுன்சிலராக இருந்தவர் ஆவார்.

கடந்த முறை வரை ஆண்கள் வார்டாக இருந்தது இந்த முறை பெண்கள் வார்டாக மாற்றப்பட்டது. இதனால் தட்சிணாமூர்த்தி தனது மனைவிக்கு திமுக சார்பில் சீட் கேட்டார். ஆனால் தலைமை அவரது கோரிக்கையை நிராகரித்துவிட்டது. இதனால் தங்கத்தை சுயேச்சையாக நிற்க வைத்து வெற்றி பெறச் செய்தார். தற்போது திமுகவில் இணைய வைத்துள்ளார்.

திமுகவில் தங்கம் இணைந்து இருப்பதன் மூலம் மதுரை மாநகராட்சி திமுக கவுன்சிலர்களின் எண்ணிக்கை 13 ஆக உயர்ந்துள்ளது.

English summary

Madurai corporation independent councillor Thangam has joined DMK in the presence of central minister MK Azhagiri. Including Thangam DMK has 13 councillors in Madurai corporation.