இனி செல்போன் மூலமும் ரயில் டிக்கெட் முன்பதிவு செய்யலாம் - ரயில்வே நிர்வாகம்

Published: Sunday, January 22, 2012, 14:42 [IST]

Subscribe to Oneindia Tamil

மதுரை : செல்போன்களில் ரயில் டிக்கெட் முன்பதிவு செய்யும் வசதியை ஐ.ஆர்.சி.டி.சி. நிறுவனம் துவங்கியுள்ளது.

ரயில் பயணிகள் தாங்கள் இருக்கும் இடத்தில் இருந்தே ஒரு சில வினாடிகளிலேயே தாங்கள் செல்லும் பகுதிக்கு ரயில் டிக்கெட்டுகளை முன்பதிவு செய்து கொள்ளலாம்.

தற்போது பல மாடல்கள் செல் போன்கள் உள்ளது. இதில், அடிப்படை ஜி.பி.ஆர்.எஸ். வசதி கொண்ட செல்போன் வைத்திருக்கும் யார் வேண்டுமானாலும் இந்த வசதியை பயன்படுத்திக் கொள்ள முடியும். இதற்கான கட்டணத்தை செல்போன் வைத்திருப்பவர்கள் தங்களின் கிரடிட் கார்டு மற்றும் டெபிட் கார்டு மூலம் செலுத்தலாம்.

தவிர்க்க முடியாத காரணத்தினால் பயணம் ரத்து செய்ய நேர்ந்தாலும் , அதையும் தனது செல் போன் மூலமே முன்பதிவு செய்த டிக்கெட்டுகளை ரத்து செய்யலாம்.

இவ்வாறு ஐ.ஆர்.சி.டி.சி. நிர்வாகம் அறிவித்துள்ளது.

Published On January 22, 2012