குடியரசு தினம்-டெல்லியில் கொடியேற்றினார் பிரதீபா பாட்டீல்-கண்கவர் அணிவகுப்பு!

டெல்லி: டெல்லியில் மிக பலத்த பாதுகாப்புக்கு மத்தியில் 63வது குடியரசு தின விழா கொண்டாடப்பட்டது. ராஜ்பாத்தில் நடந்த நிகழ்ச்சியில் குடியரசுத் தலைவர் பிரதீபா பாட்டீல் தேசியக் கொடியை ஏற்றி வைத்து கண்கவர் அணிவகுப்பைப் பார்வையிட்டார்.

முன்னதாக இன்று காலை அமர்ஜவான் ஜோதி நினைவிடத்தில் பிரதமர் மன்மோகன் சிங் மலர் வளையம் வைத்து மறைந்த படையினருக்கு அஞ்சலி செலுத்தினார். பின்னர் அவர் விழா நடந்த ராஜ்பாத்திற்கு வந்து சேர்ந்தார். அதைத் தொடர்ந்து குடியரசுத் தலைவர் பிரதீபா பாட்டீல் வந்து சேர்ந்தார். அவருடன் குடியரசு தின விழாவின் சிறப்பு விருந்தினரான இந்தோனேசியாவின் முதல் பெண் பிரதமரான இன்லுக் ஷினாவாத்ராவும் உடன் வந்தார்.

இதையடுத்து தேசியக் கொடியை ஏற்றி வைத்தார் குடியரசுத் தலைவர் பிரதீபா பாட்டீல். அதன் பின்னர் விருதுகள் வழங்கும் நிகழ்ச்சி தொடங்கியது. அசோக் சக்ரா உள்ளிட்ட விருதுகள் வழங்கப்பட்டன. அசோக் சக்ரா விருது, வீர மரணம் எய்திய லெப்டினென்ட் நவ்தீப் சிங்குக்கு வழங்கப்பட்டது. கடந்த ஆண்டு ஆகஸ்ட் 20ம் தேதி காஷ்மீர் எல்லையில் தீவிரவாதிகளுடன் நடந்த மோதலின்போது தனது உயிரை நீத்தவர் நவ்தீப் சிங். மரணத்திற்கு முன்பு நான்கு தீவிரவாதிகளை வேட்டையாடியவர் நவ்தீப் சிங்.

விருதுகள் வழங்கும் நிகழ்ச்சிக்குப் பின்னர் அணிவகுப்பு தொடங்கியது. ராணுவம், கடற்படை மற்றும் வி்மானப்படை ஆகிய முப்படைகளின் அணிவகுப்பு முதலில் நடைபெற்றது. இந்தியாவின் படை பலத்தை பறை சாற்றும் ஆயுத அணிவகுப்பும் இடம் பெற்றது.

English summary

As India celebrates its 63rd Republic Day on Thursday, the ceremonial parade has begun amidst tight security in Delhi this morning. This year the guest of honour is Thailand's first woman Prime Minister Yinluck Shinawatra. President Pratibha Patil hoisted the flag and witnessed the parade. Security has been tightened across the national capital. A ground-to-air security apparatus has been put in place. Over 25,000 police personnel, including those from paramilitary forces and sharpshooters from the NSG, have been deployed.