ரயில் கட்டணம் 12 சதவீதம் உயர்வு?

டெல்லி: நிதிப் பற்றாக்குறையை சமாளிக்க பயணிகள் ரயில் கட்டணத்தை உயர்த்துவது என ரயில்வே அமைச்சகம் முடிவு செய்துள்ளதாக கூறப்படுகிறது.

நிதி அமைச்சகம் மற்றும் திட்டக் குழு ஆகியவற்றின் அழுத்தங்களையடுத்து 8 ஆண்டுகளுக்குப் பிறகு ரயில் கட்டணம் உயர்த்தப்பட உள்ளது.

இந்த கட்டண உயர்வு 10 முதல் 12 சதவீதம் அளவுக்கு இருக்கும் என்று கூறப்படுகிறது. அதாவது ஒவ்வொரு 500 கிலோ மீட்டர் தொலைவுக்கும் 35 ரூபாய் அளவுக்கு கட்டண உயர்வு இருக்கக் கூடும்.

ஏற்கெனவே ரயில்வே அமைச்சர் தினேஷ் திரிவேதியும் கட்டண உயர்வுக்கான சாத்தியம் இருப்பதாக அண்மையில் தெரிவித்திருந்தது குறிப்பிடத்தக்கது.

English summary

The Railways appears to have firmed up plans to raise passenger fares in AC classes in face of depleting financial resources and little options available to generate funds.