பட்ஜெட் கூட்டத் தொடரில் எப்படி நடப்பது?- அதிமுக எம்.பி.க்களுக்கு ஜெ. அட்வைஸ்

சென்னை: நாடாளுமன்ற பட்ஜெட் கூட்டத் தொடர் நாளை தொடங்குவதையொட்டி அதிமுக எம்.பி.க்களின் ஆலோசனை கூட்டம் அக்கட்சி பொதுச் செயலாளரும், முதல்வருமான ஜெயலலிதா தலைமையில் நேற்று நடந்தது.

நாடாளுமன்ற பட்ஜெட் கூட்டத் தொடர் நாளை துவங்குகிறது. வரும் 14ம் தேதி ரயில்வே பட்ஜெட்டும், 16ம் தேதி பொது பட்ஜெட்டும் தாக்கல் செய்யப்படுகிறது.

இந்த கூட்டத் தொடரிலும் கருப்பு பணப் பிரச்சனை உள்ளிட்டவற்றை எழுப்ப பாஜக திட்டமிட்டுள்ளது. மேலும் ஐந்து மாநில சட்டசபைத் தேர்தல் முடிவுகள் குறித்தும் நாடாளுமன்றத்தில் விவாதம் களை கட்டும் என்று தெரிகிறது.

இந்நிலையில் பட்ஜெட் கூட்டத் தொடர் துவங்குவதையொட்டி அதிமுக எம்.பி.க்களின் ஆலோசனை கூட்டம் அக்கட்சியின் பொதுச் செயலாளரும், முதல்வருமான ஜெயலலிதா தலைமையில் அவரது இல்லத்தில் நேற்று நடந்தது.

இந்த கூட்டத்தில் அதிமுக எம்.பி.க்கள் தம்பித்துரை, செம்மலை, பாலகங்கா உள்பட அனைத்து நாடாளுமன்ற மற்றும் மாநிலங்களவை எம்.பி.க்கள் கலந்து கொண்டனர். பட்ஜெட் கூட்டத் தொடரின்போது அதிமுக எம்.பி.க்கள் எவ்வாறு நடந்து கொள்ள வேண்டும் என்று முதல்வர் அவர்களுக்கு ஆலோசனை வழங்கினார்.

English summary

ADMK chief cum CM Jayalalithaa convened the meeting of her party MPs at her residence ahead of the budget session of the parliament. She advised the MPs as to how should they behave during the session.