லட்டு கொடுத்து, டான்ஸ் ஆடி, பட்டாசு வெடித்து அதிமுக கொண்டாட்டம்
Subscribe to Oneindia Tamil
சென்னை: சங்கரன்கோவில் தனித் தொகுதியில் அதிமுக வேட்பாளர் முத்துச்செல்வி அமோக வெற்றி பெற்றதை அதிமுகவினர் மாநிலம் முழுவதும் கொண்டாடினர்.
பட்டாசுகளை வெடித்தும், வருவோர் போவோருக்கு லட்டு கொடுத்தும், டான்ஸ் ஆடியும் அவர்கள் கொண்டாடினர்.
சங்கரன்கோவில் தொகுதியில் அதிமுக மிகப் பெரிய லீட் எடுத்ததுமே சென்னை ராயப்பேட்டையில் உள்ள கட்சித் தலைமை அலுவலகம் முன்பும், போயஸ் தோட்டத்தில் உள்ள முதல்வர் ஜெயலலிதா வீடு முன்பும் அதிமுகவினர் திரண்டனர்.
வெற்றிச் செய்தி வந்ததுமே பட்டாசுகள் சரமாரியாக வெடிக்கப்பட்டன. மேலும் லட்டுகளையும் கொடுத்து மகிழ்ச்சியைப் பகிர்ந்து கொண்டனர்.
வழக்கம் போல மகளிர் அணியினர் 'டான்ஸ்' போட்டு அனைவரையும் குஷிப்படுத்தினர். அம்மா மீது மக்கள் வைத்துள்ள அசைக்க முடியாத நம்பிக்கையை இந்த வெற்றி காட்டுவதாக அதிமுகவினர் தெரிவித்தனர்.
Click it and Unblock the Notifications
Sign in with Google