ஊழலை எதிர்த்து ஜூன் 3-ல் பாபாராம்தேவ் டெல்லியில் உண்ணாவிரதம்

டெல்லி: கறுப்பு பணம் மற்றும் ஊழலை எதிர்த்து ஜுன் 3-ந் தேதி டெல்லி ஜந்தர் மந்தரில் யோகா குரு பாபா ராம்தேவ் ஒரு நாள் உண்ணாவிரத போராட்டம் நடத்துகிறார்.

கடந்த ஆண்டு டெல்லியில் நடந்த அவரது உண்ணாவிரதம், போலீசாரின் தடியடியால் கலைக்கப்பட்டதை நினைவூட்டும் விதமாக, அதே நாளில் இந்த உண்ணாவிரதம் நடைபெறுகிறது என்று அவருடைய செய்தித்தொடர்பாளர் திஜராவாலா தெரிவித்தார்.

"ஊழல் மற்றும் கறுப்பு பணத்துக்கு எதிராக இன்று முதல் ஆகஸ்டு 1-ந் தேதி வரை, நாடுதழுவிய இயக்கத்தை ராம்தேவ் அறிவித்துள்ளார். ஜுன் 4-ந் தேதி, நாட்டின் அனைத்து மாவட்ட தலைநகரங்களிலும் ரத்ததான முகாம்கள் நடைபெறும்" என்றார் அவர்.

English summary

Yoga guru Ramdev on Sunday announced a fresh agitation against black money and corruption with a one-day dharna at New Delhi on June 3, marking the first anniversary of police crackdown on Ramlila grounds.