பாத்ரூமில் வழுக்கி விழுந்து எலும்பு முறிவு: மருத்துவமனையில் ராம கோபாலன்

ஈரோடு: இந்து முன்னணி நிறுவனர் ராம. கோபாலன் குளியறையில் வழுக்கி விழுந்ததில் வலது கை தோள்பட்டையில் எலும்பு முறிவு ஏற்பட்டதால் மருத்துவமனையில் சேர்க்கப்பட்டுள்ளார்.

இந்து முன்னணி நிறுவனர் ராம. கோபாலன் பவானியில் ஒரு நிகழ்ச்சியில் கலந்துகொள்வதற்காக ஏற்காடு எக்ஸ்பிரஸ் ரயிலில் இன்று காலை ஈரோடு வந்தார். ஈரோடு நசியனூர் ரோட்டில் உள்ள இந்து முன்னணி கட்சியின் மாநில துணை தலைவர் பூசப்பன் வீட்டில் தங்கினார். நிகழ்ச்சிக்கு புறப்படுவதற்காக குளித்துக் கொண்டிருந்த அவர் குளியலறையில் வழுக்கி விழுந்தார்.

இதில் அவரது வலது கை தோள்பட்டையில் எலும்பு முறிவு ஏற்பட்டது. இதையடுத்து அவரை பெருந்துறை ரோட்டில் உள்ள தனியார் மருத்துவமனை ஒன்றில் சிகிச்சைக்காக சேர்த்தனர். அங்கு அவருக்கு மருத்துவர்கள் சிகிச்சை அளித்து வருகிறார்கள். தற்போது அவரது உடல் நிலை சீராக இருப்பதாக தகவல்கள் வந்துள்ளன.

English summary

Hindu Munnani founder Rama Gopalan has fractured his right shoulder when he fell in the bathroom today. He is admitted in a private hospital in Erode.