2000 பணியாளர்களை நீக்கும் யாஹூ!
நிறுவனத்தின் புதிய தலைமை நிர்வாகியாக பொறுப்பேற்றுள்ள ஸ்காட் தாம்ஸன் இந்த ஆட்குறைப்பு நடவடிக்கையை மேற்கொண்டுள்ளார்.
கடந்த இரு ஆண்டுகளில் நிறுவனத்தின் தலைமைப் பொறுப்பில் இருந்தவர்கள், கூகுள், பேஸ்புக் போட்டிகளைச் சமாளிக்கத் தவறியதால் பல மில்லியன் டாலர் நஷ்டத்தைச் சந்தித்து வருகிறதாம் யாஹூ.
எனவே ஆட்குறைப்பு மூலம் சிக்கன நடவடிக்கை மேற்கொள்ளத் திட்டமிட்டுள்ளார் ஸ்காட். 2011-ல் யாஹூவில் 14000 பணியாளர்கள் இருந்தனர்.
இப்போது இவர்களில் 2000 பேரை நீக்குவதன் மூலம் ஆண்டுக்கு 375 மில்லியன் டாலர்களை சேமிக்கவும், வரிகள் மூலம் 45 மில்லியன் டாலர்கள் வரை சேமிக்கவும் யாஹூ முடிவு செய்துள்ளது.
கடந்த ஆண்டு 14000 பணியாளர்களுடன் இருந்த யாஹூ 4.98 பில்லியன் டாலர்களைச் சம்பாதித்தது. ஆனால் 3200 பணியாளர்களை மட்டுமே கொண்ட பேஸ்புக் 3.71 பில்லியன் டாலர்களை ஈட்டியது. இத்தனை குறைந்த பணியாளர்களுடன் அந்த நிறுவனம் அதிக வருமானம் ஈட்டியதே யாஹூ தலைமை நிர்வாகி ஸ்காட்டை பணியாளர் குறைப்புக்குத் தூண்டியதாகச் சொல்லப்படுகிறது.
Click it and Unblock the Notifications
Sign in with Google