ஆட்சியர் அலெக்ஸூக்கு மருந்துகள் எடுத்துச் சென்ற தூதர் மணீஷ் குஞ்சம் திரும்பினார்

By Mathi

Published: Thursday, April 26, 2012, 10:59 [IST]

Subscribe to Oneindia Tamil

சுக்மா: மாவோயிஸ்டுகளால் கடத்திச் செல்லப்பட்ட சத்தீஸ்கர் மாநிலம் சுக்மா மாவட்ட ஆட்சியரான அலெக்ஸ்பால்மேனனுக்கு தேவையான மருந்துகளை எடுத்துச் சென்ற தூதர் மணீஷ் குஞ்சம் வனப்பகுதியிலிருந்து சுக்மாவுக்கு திரும்பியுள்ளார்.

மாவோயிஸ்டுகளின் இருப்பிடத்துக்கு தாம் சென்று வந்தது பற்றி செய்தியாளர்களிடம் பேசிய மணீஷ் குஞ்சம், அலெக்ஸ்பால் மேனனுக்குத் தேவையான மருந்துகளை தாம் கொடுத்துவிட்டதாகக் கூறினார். ஆனால் அலெக்ஸ்பாலை தாம் நேரில் சந்திக்கவில்லை என்றும் அவர் நலமுடன் இருப்பதாக மாவோயிஸ்டுகள் தெரிவித்தனர் என்றும் கூறினார்.

கடத்தப்பட்ட தமது கணவருக்கு ஆஸ்துமா நோய் பாதிப்பு இருப்பதால் அவரை விடுதலை செய்ய வேண்டும் என்று மனைவி ஆஷா பலமுறை வேண்டுகோள் விடுத்துள்ளார். மேலும் தமது கணவரிடன் வீடியோ படத்தையோ அல்லது குரல் பதிவு செய்யப்பட்ட ஆடியோவையோ மாவோயிஸ்டுகள் வெளியிட வேண்டும் என்றும் ஆஷா கோரியிருந்தார். ஆனால் மணீஷ் குஞ்சத்தின் முதல் கட்ட பயணத்தில் இது எதுவும் நடைபெறாதது மனைவி ஆஷா மற்றும் அவரது உறவினர்களுக்கு பெரும் ஏமாற்றத்தை ஏற்படுத்தியுள்ளது.

Published On April 26, 2012