மீண்டும் டெசோ : கருணாநிதி தலைமையில் ஏப்.30ல் சென்னையில் முதல் கூட்டம்

By Mathi

Published: Saturday, April 28, 2012, 9:56 [IST]

Subscribe to Oneindia Tamil

சென்னை: தமிழ்நாட்டில் 1980களின் மத்தியில் உருவாக்கப்பட்ட தமிழீழ ஆதரவாளர் அமைப்பான டெசோ மீண்டும் உயிர்ப்பிக்கப்பட்டுள்ளது. இதன் முதல் கூட்டம் சென்னையில் நாளை மறுநாள் தி.மு.க. தலைவர் கருணாநிதி தலைமையில் நடைபெற உள்ளது.

இது தொடர்பாக தமிழீழ ஆதரவாளர் அமைப்பு (டெசோ) சார்பில் வெளியிடப்பட்டுள்ள செய்திக் குறிப்பு:

தமிழ் ஈழம் ஆதரவாளர் அமைப்பின் (டெசோ) முதல் கலந்துரையாடல் கூட்டம், சென்னை அண்ணா அறிவாலயத்தில் வருகிற 30-ந் தேதி (திங்கட்கிழமை) காலை 10.30 மணி அளவில் அமைப்பின் தலைவர் கருணாநிதி தலைமையில் நடைபெற உள்ளது. இந்த கூட்டத்தில் டெசோ அமைப்பின் உறுப்பினர்களான தி.மு.க. பொதுச்செயலாளர் பேராசிரியர் க.அன்பழகன், திராவிடர் கழகத் தலைவர் கி.வீரமணி, திராவிடர் இயக்க தமிழர் பேரவைத் தலைவர் சுப.வீரபாண்டியன், சுப்புலட்சுமி ஜெகதீசன் ஆகியோர் பங்கேற்கின்றனர் என்று தெரிவிக்கப்பட்டுள்ளது.

Published On April 28, 2012