சென்னையில் நாளை திமுக இளைஞரணி ஆலோசனை கூட்டம்: மு.க.ஸ்டாலின்

Published: Saturday, May 5, 2012, 11:29 [IST]

Subscribe to Oneindia Tamil

சென்னை: சென்னையில் திமுக இளைஞரணி ஆலோசனை கூட்டம் நாளை நடைபெறும் என்று தி.மு.க. பொருளாளரும் இளைஞர் அணி செயலாளருமான மு.க. ஸ்டாலின் அறிவித்துள்ளார்.

மு.க.ஸ்டாலின் வெளியிட்டுள்ள அறிக்கை:

திமுக இளைஞர் அணி மாவட்ட அமைப்பாளர், துணை அமைப்பாளர்கள் கூட்டம், மே 6-ந் தேதி மாலை 5 மணிக்கு சென்னை அன்பகத்தில் உள்ள அண்ணா மன்றத்தில் நடைபெறும்.

இந்த கூட்டத்திற்கு, மாநில இளைஞர் அணி துணைச் செயலாளர்கள் மா.சுப்பிரமணியன், சுகவனம் எம்.பி., ஆர்.ராஜேந்திரன், சுப.த.சம்பத், சுபா.சந்திரசேகர், அசன் முகமது ஜின்னா ஆகியோர் முன்னிலை வகிக்கின்றனர்.

இதில், மாவட்ட, மாநகர, மாநில அமைப்பாளர்கள், துணை அமைப்பாளர்கள் அனைவரும் தவறாமல் கலந்து கொள்ள வேண்டும் என்று அதில் ஸ்டாலின் தெரிவித்துள்ளார்.

Published On May 5, 2012