மருத்துவம், கல்விக்கு ரூ. 3.20 லட்சம் நிதி உதவி வழங்கினார் கருணாநிதி

சென்னை : பொருளாதாரத்தில் நலிந்தவர்களுக்கு மருத்துவ உதவிக்காகவும். காகவும், ஏழை மாணவர்கள் கல்விக்காகவும் திமுக தலைவர் கருணாநிதி தனது அறக்கட்டளை நிதியில் இருந்து 32 பேருக்கு 3.20 லட்சம் ரூபாயை வழங்கியுள்ளார். இது குறித்து தி.மு.க. தலைமை கழகம் வெளியிட்டுள்ள அறிக்கையில் கூறியுள்ளதாவது :

கலைஞர் கருணாநிதி அறக்கட்டளைக்காக, தலைவர் கலைஞர் தனது சொந்த பொறுப்பில் அளித்த 5 கோடி ரூபாயினை வங்கியில் வைப்பு நிதியாக போடப்பட்டு, அதில் கிடைக்கப்பெறும் வட்டித் தொகையினைக் கொண்டு, மாதந்தோறும் ஏழை எளிய நலிந்தோருக்கு உதவித் தொகையாக 2005 நவம்பர் மாதம் முதல் 2007 ஜனவரி மாதம் வரை வழங்கப்பட்டு வருகிறது.

வைப்பு நிதியாக போடப்பட்ட 5 கோடி ரூபாயில், கலைஞர் கருணாநிதி அறக்கட்டளை சார்பில், தென்னிந்திய புத்தக விற்பனையாளர்-பதிவாளர் சங்கத்துக்கு ஒரு கோடி ரூபாய் வழங்கப்பட்டது போக மீதமுள்ள 4 கோடி ரூபாயிலிருந்து வரும் வட்டித் தொகையில் 2007 பிப்ரவரி முதல் தொடர்ந்து உதவித் தொகை வழங்கப்படுகிறது. 2005 நவம்பர் முதல் இதுவரை ரூ. 2 கோடியே 36 லட்சத்து 65 ஆயிரம் நிதி வழங்கப்பட்டுள்ளது.

2012 ம் ஆண்டிற்கான மருத்துவம் மற்றும் கல்வி உதவி நிதியாக 32 பேருக்கு மொத்தம் ரூ. 3.20 லட்சத்தை திங்கட்கிழமையன்று கருணாநிதி வழங்கினார். நிதி பெறுவோர் வெளி மாவட்டங்களிலிருந்து வந்து போகிற செலவினத்தை தவிர்ப்பதற்காக தபால் மூலம் வரைவுக் காசோலையாக அனுப்பப்படுகிறது இவ்வாறு அந்த அறிக்கையில் கூறப்பட்டுள்ளது.

English summary

DMK President M Karunanidhi today distributed an assitance of Rs 3.20 lakh on behalf of "Kalaignar Karunanidhi Trust" to 32 poor people to meet medical and educational expenditure.