மம்தா குறித்து திக்விஜய் சொல்றதெல்லாம் அவரோடு சொந்த கருத்து: காங்கிரஸ்

டெல்லி: திரிணாமுல் காங்கிரஸ் தலைவர் மமதா பானர்ஜிக்கு எதிராக காங்கிரஸ் பொதுச்செயலாளர் திக்விஜய்சிங் தெரிவித்த அனைத்து கருத்துகளும் காங்கிரஸ் கட்சியின் அதிகாரப்பூர்வமான கருத்து அல்ல என்று அகில இந்திய காங்கிரஸ் கட்சி அறிக்கை ஒன்றில் விளக்கம் அளித்துள்ளது.

காங்கிரஸ் கட்சி வெளியிட்டிருக்கும் அறிக்கையில், காங்கிரஸ் கட்சி சார்பில் பேசுவதற்கான அதிகாரப்பூர்வ நபராக திக்விஜய்சிங் அறிவிக்கப்பட்டிருக்கவில்லை என்று அதில் தெரிவிக்கப்பட்டிருக்கிறது.

ஐக்கிய முற்போக்குக் கூட்டணியின் குடியரசுத் தலைவர் வேட்பாள்ராக பிரணாப் முகர்ஜியை முன்னிறுத்தியதற்கு மமதா பானர்ஜி கடும் எதிர்ப்புத் தெரிவித்திருந்ததற்கு திக்விஜய்சிங் பதிலடி கொடுத்திருந்தார். மமதாவின் நடவடிக்கைகளை மிகக் கடுமையாக விமர்சித்திருந்த திக்விஜய், பொறுமைக்கும் எல்லை இருக்கிறது என்று கூறியிருந்தார்.

மேலும் தொலைக்காட்சி ஒன்றுக்குப் பேட்டியளித்த திக்விஜய்சிங், மமதா பானர்ஜியை நாங்களாக வெளியே போகச் சொல்லமாட்டோம்.. அவரை அரசாங்கத்தில் இருந்து தூக்கி எறியமாட்டோம் என்றும் திக்விஜய்சிங் பேசியிருந்தது குறிப்பிடத்தக்கது.

English summary

In a clear snub to AICC general secretary Digvijaya Singh for his remarks against TMC chief Mamata Banerjee, Congress on Monday said that he was "not officially authorised" to speak to the media."Digvijaya Singh is not officially authorised to speak on behalf of the party," the AICC.