அப்துல் கலாமை சந்தித்தார் பாஜக மூத்த தலைவர் குல்கர்னி- போட்டியிடுவது பற்றி இன்று அறிவிப்பு

டெல்லி: குடியரசுத் தலைவர் தேர்தலில் போட்டியிடுவாரா? இல்லையா? என்று முடிவு தெரியாத நிலையில் முன்னாள் குடியரசுத் தலைவர் அப்துல்கலாமை பாஜக மூத்த தலைவர் சுதீந்திர குல்கர்னி இன்று சந்தித்துப் பேசியுள்ளது பரபரப்பை ஏற்படுத்தியுள்ளது.

அப்துல்கலாமை திரிணாமுல் காங்கிரஸ் ஏற்கெனவே குடியரசுத் தலைவர் வேட்பாள்ராக முன்மொழிந்து இருக்கிறது. இந்த நிலையில் கலாமை குடியரசுத் தலைவர் வேட்பாளராக நிறுத்த ஆர்.எஸ்.எஸ். பச்சைக் கொடி காட்டியது. இதைத் தொடர்ந்து பாஜக தலைவர்களில் ஒருவரான சுதீந்திர குல்கர்னி டெல்லியில் கலாமை சந்தித்துப் பேசியிருக்கிறார்.

இதனிடையே குடியரசுத் தலைவர் தேர்தலில் போட்டியிடுவது பற்றிய தமது முடிவை அப்துல் கலாம் இன்று அறிவிக்கக் கூடும் என்று தெரிகிறது .மமதா பானர்ஜியே கலாமை குடியரசுத் தலைவர் வேட்பாளராக அறிவிக்க உள்ள்தாகவும் செய்திகள் வெளியாகி இருக்கின்றன.

English summary

President poll live: APJ Abdul Kalam under pressure to contest Presidential poll