பாகிஸ்தான், ஆப்கானிஸ்தானுக்கு புதிய தூதர்களை நியமித்தார் ஒபாமா
வாஷிங்டன்: பாகிஸ்தான் மற்றும் ஆப்கானிஸ்தான் நாடுகளுக்கான அமெரிக்க தூதர்களை அந்நாட்டு அதிபர் ஒபாமா நியமித்துள்ளார்.
பாகிஸ்தான் மற்றும் ஆப்கானிஸ்தான் நாடுகளின் தூதர்கள் பதவி விலகி 2 மாதங்களாகியும் தூதர்கள் நியமிக்கப்படாமல் இருந்தனர். இந்நிலையில் பாகிஸ்தானுக்கான அமெரிக்க தூதராக ரிச்சர்டு ஓல்சன் நியமிக்கப்பட்டுள்ளார். கடந்த 2008-ம் ஆண்டு முதல் 2011-ம் ஆண்டு வரை ஐக்கிய அரபு எமிரேடுக்கான அமெரிக்க தூதராகப் பணிபுரிந்தவர். மேலும் ஆப்கானிஸ்தான் தலைநகர் காபூலில் உள்ள அமெரிக்க தூதரகத்தில் மூத்த பொருளாதார ஆலோசகராகவும் ஓல்சன் பணியாற்றினார்.
ஆப்கானிஸ்தானுக்கான புதிய தூதராக ஜேம்ஸ் கன்னிங்காம் நியமிக்கப்பட்டுள்ளார். தற்போது காபூலில் துணை தூதராகப் பணியாற்றி வருகிறார். இஸ்ரேலுக்கான அமெரிக்க தூதராக இவர் பணிபுரிந்துள்ளார்.
இந்த நியமனங்களுக்கு அமெரிக்க செனட் சபை ஒப்புதல் அளித்த பிறகு, இருவரும் பதவி ஏற்றுக் கொள்வர்.
Click it and Unblock the Notifications
Sign in with Google