For Quick Alerts
ALLOW NOTIFICATIONS  
For Daily Alerts
Just In
Oneindia App Download

டெசோ தீர்மான விளக்க மாநாடு.. அம்பத்தூரில் கருணாநிதி, மதுரையில் குஷ்பு பேசுகின்றனர்

Google Oneindia Tamil News

Karunanidhi and Kushboo
சென்னை: சென்னையில் நடந்த டெசோ மாநாட்டில் நிறைவேற்றப்பட்ட தீர்மானங்களை விளக்கி தமிழகம் முழுவதும் பொதுக்கூட்டங்கள் நடைபெறுகின்றன. ஆகஸ்ட் 25ம் தேதி சென்னை அம்பத்தூரில் நடைபெறும் கூட்டத்தில் திமுக தலைவர் கருணாநிதி பேசுகிறார். 23ம் தேதி மதுரையில் குஷ்பு பேசுகிறார்.

இது குறித்து தி.மு.க. கொள்கை பரப்பு செயலாளர்கள் ஆ.ராசா, திருச்சி சிவா ஆகியோர் வெளியிட்டுள்ள அறிக்கை:

கடந்த 12-ந் தேதி சென்னையில் டெசோ அமைப்பு சார்பாக தி.மு.க. தலைவர் கலைஞர் தலைமையில் நடைபெற்ற ஈழத்தமிழர் வாழ்வுரிமைப் பாதுகாப்பு மாநாட்டுத் தீர்மான விளக்கப் பொதுக்கூட்டங்கள், கலைஞரின் அறிவிப்பிற்கு இணங்க 20-ந் தேதி முதல் 30-ந் தேதி வரை தமிழகத்திலுள்ள அனைத்து மாவட்ட தலைநகரங்களில் நடைபெறும்.

இந்த கூட்டத்தில் ஈழத்தமிழர் வாழ்வுரிமைக்காக நிறைவேற்றப்பட்ட தீர்மானங்களை விளக்கி அந்தந்த மாவட்ட கழக செயலாளர்கள் எழுச்சியுடனும் - சிறப்புடனும் நடத்திட வேண்டுமென கேட்டுக்கொள்ளப்படுகிறார்கள்.

வருகிற 25-ந் தேதி அம்பத்தூரில் நடைபெறும் பொதுக்கூட்டத்தில் தி.மு.க. தலைவர் கலைஞர் பேசுகிறார். 25-ந் தேதி கோவையில் நடைபெறும் பொதுக்கூட்டத்திலும், 26-ந் தேதி திருப்பூரில் நடைபெறும் பொதுக்கூட்டத்திலும் தி.மு.க. பொதுச்செயலாளர் பேராசிரியர் அன்பழகன் பேசுகிறார்.

26-ந் தேதி நெல்லையில் நடைபெறும் பொதுக்கூட்டத்தில் தி.மு.க. பொருளாளர் மு.க.ஸ்டாலினும், 23-ந் தேதி தர்மபுரியில் நடைபெறும் பொதுக்கூட்டத்தில் துணை பொதுச்செயலாளர் துரைமுருகனும், 25-ந் தேதி கன்னியாகுமரியில் நடைபெறும் பொதுக்கூட்டத்தில் கனிமொழி எம்.பி.யும் பேசுகிறார்கள்.

24-ந் தேதி நீலகிரியில் நடைபெறும் பொதுக்கூட்டத்தில் சுப்புலெட்சுமி ஜெகதீசனும், 21-ந் தேதி வேலூரில் நடைபெறும் பொதுக்கூட்டத்தில் நடிகர் வாகை சந்திரசேகரும், 23-ந் தேதி மதுரை மாநகரில் நடைபெறும் பொதுக்கூட்டத்தில் நடிகை குஷ்புவும் பேசுகிறார்கள்.

20-ந் தேதி அரியலூரில் நடைபெறும் பொதுக்கூட்டத்தில் நடிகர் குமரிமுத்து மற்றும் தமிழ்நாடு முழுவதும் தி.மு.க. முன்னணி தலைவர்கள் பேசுகிறார்கள் என்று தெரிவித்துள்ளனர்.

English summary
DMK president Karunanidhi will address a public meeting on Teso declrations in Chennai on Aug 25.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X