சில்லரை வர்த்தகத்தில் அன்னிய முதலீட்டுக்கு எதிரான தீர்மானத்துக்கு ஆதரவு: முலாயம் அதிரடி!

லக்னெள: சில்லரை வர்த்தகத்தில் அன்னிய நேரடி முதலீட்டுக்கு எதிராக திரிணாமுல் காங்கிரஸ் தீர்மானம் கொண்டுவந்தால் ஆதரவு தரத் தயாராக இருப்பதாக சமாஜ்வாதி கட்சித் தலைவர் முலாயம்சிங் அறிவித்திருப்பதால் பரபரப்பு ஏற்பட்டுள்ளது.

இது தொடர்பாக அவர் கூறியுள்ளதாவது:

சில்லரை வணிகத்தில் அன்னிய நேரடி முதலீட்டை நாங்கள் கடுமையாக எதிர்க்கிறோம். இந்த துறையில் அன்னிய நேரடி முதலீட்டை அனுமதிக்கும் முடிவை திரும்பப் பெறுமாறு மத்திய அரசை வற்புறுத்துவோம். சில்லரை வணிகத்தில் அன்னிய முதலீட்டை எதிர்த்து திரிணாமுல் காங்கிரஸ் நாடாளுமன்றத்தில் தீர்மானம் கொண்டு வந்தால் அதை நாங்கள் எதிர்க்கமாட்டோம், ஆதரிப்போம். சமாஜ்வாதி கட்சியின் சார்பில் கூட தீர்மானம் கொண்டு வரப்படலாம். ஆனால் அப்படிப்பட்ட ஒரு சூழ்நிலை ஏற்படாது என்று கருதுகிறேன். நாடாளுமன்றத்துக்கு இடைத்தேர்தல் வந்தால் அதை சந்திக்க சமாஜ்வாதி தயாராக இருக்கிறது. மத்திய அரசு 5 ஆண்டுகளைப் பூர்த்தி செய்வது என்பது அவர்கள் கையில்தன் இருக்கிறது. காங்கிரஸ், பாஜக அல்லாத எதிர்க்கட்சிகளின் கூட்டணிக்கு எம்மை தலைமை தாங்க வேண்டும் என்ற் இடதுசாரித் தலைவர் பிருந்தா காரத் கூறியுள்ளதற்கு நன்றி தெரிவிக்கிறேன் என்றார்.

English summary

Barely two days after announcing his party's support to the United Progressive Alliance government at the Centre after the Trinamool Congress withdrew its support to the UPA, Samajwadi Party supremo Mulayam Singh Yadav on Sunday promised to back any motion against FDI in retail moved by the TMC against the UPA. The SP chief's latest statement has brought as fresh ammo to his political rivals who have been accusing him of switching positions, something that the SP leadership has vehemently denied.