சியர்ஸ்... மியூனிச்சில் கோலாகலமாக தொடங்கிய பீர் திருவிழா!
அக்டோபர்பெஸ்ட் என்று அழைக்கப்படும் இந்த பீர் திருவிழா மியூனிச்சில் ஆண்டுதோறும் நடந்து வரும் ஒரு பாரம்பரிய விழாவாகும். 16 நாட்கள் இது நடைபெறும். செப்டம்பர் 23ம் தேதி வழக்கமாக இது தொடங்கும். அக்டோபர் முதல் வாரத்தி்ல முடிவடையும். ஜெர்மனியில் நடைபெறும் மிகவும் பழமையான, பழமையான திருவிழாக்களில் இதுவும் ஒன்று. அதேபோல உலக அளவில் நடைபெறும் மிகப் பழமையான திருவிழாக்களில் ஒன்றாகவும் இது திகழ்கிறது.
உலகம் முழுவதுலிமிருந்து 60 லட்சம் பேருக்கும் மேல் இந்த விழாவுக்கு வருவார்கள் என்பது குறிப்படத்தக்கது. இதற்காக சிறப்பு ஏற்பாடுகளும் செய்யப்படும். பீர் குடிப்பது, ரோலர்காஸ்டர் உள்ளிட்டவற்றில் ஏறி உல்லாசமாக விளையாடுவது என்று இங்கு வரும் மக்கள் 16 நாட்களும் தடபுடலான உற்சாகத்தில் மிதப்பார்கள்.
பவேரிய கலாச்சாரத்தின் ஒரு முக்கியப் பகுதிதான் இந்த விழா. 1810ம் ஆண்டுமுதல் இந்த விழா நடந்து வருவது குறிப்பிடத்தக்கது.
Click it and Unblock the Notifications
Sign in with Google