மன்மோகன் சிங் வீட்டை வலம் வரும் 'டெங்கு' கொசுக்கள்

டெல்லி: பிரதமர் மன்மோகன் சிங்கின் வீட்டில் டெங்கு காய்ச்சலை உருவாக்கும் கொசுக்கள் வலம் வருகின்றனவாம். இதனால் டெங்கு கொசுவை ஒழிக்க நடவடிக்கை எடுக்க தீவிரம் காட்டி வருகின்றனர்.

தமிழகத்தில் மீண்டும் டெங்கு காய்ச்சல் பரவி உயிர் பலிகள் ஏற்பட்டு வருகிறது. இதனால் தமிழகம் முழுவதும் மருத்துவமனைகளில் சிறப்பு முகாம்கள் அமைக்கப்பட்டு வருகின்றன. இதேபோல் தலைநகர் டெல்லியிலும் டெங்கு காய்ச்சல் பாதிப்பு அதிகமாக இருப்பதாக தகவல்கள் வெளியாகின.

இந்த நிலையில் டெல்லி ரேஸ்கோர்ஸ் சாலையில் உள்ள பிரதமர் மன்மோகன்சிங்கின் அலுவலகத்தில் ஏராளமான 'டெங்கு' கொசுக்கள் உலா வருவதாக டெல்லி மாநில சுகாதாரத்துறைக்கு தகவல் கொடுக்கப்பட்டிருக்கிறது.

இதையடுத்து டெல்லி மாநில அதிகாரிகள் சோதனை நடத்தியதில் மன்மோகன் சிங் வீட்டில் ஏராளமான டெங்கு கொசு இருப்பது உறுதி செய்யப்பட்டது. இது குறித்து விளக்கம் அளிக்கும்படி டெல்லி முனிசபல் கவுன்சில் சுகாதார அதிகாரிக்கு மாநில சுகாதாரத்துறை நோட்டீஸ் அனுப்பி உள்ளது

English summary

The deadly aedis aegypti mosquito knows no boundaries. Over the past few days, civic officials have fought a grim battle to stem its breeding and rapid spread across the Capital and the National Capital Region (NCR), not sparing even the VIP areas. For instance, when the New Delhi Municipal Council (NDMC)'s breeding inspectors came knocking on the Prime Minister's residence at 7, Race Course Road, they were startled to find heavy breeding of the deadly mosquito, the dengue carrier, on the premises.