அஞ்சல் வழி கற்கும் பாடங்களில் அங்கீகரிக்கப்படுபவவை எவை?: அரசு விளக்கம்

By Mathi

Published: Friday, October 12, 2012, 10:38 [IST]

Subscribe to Oneindia Tamil

சென்னை: அஞ்சல் வழியாக கற்கும் பாடங்களில் அரசு பணி நியமனத்தின்போது ஏற்றுக் கொள்ளக் கூடிய படிப்புகள் எவை என்பதை தமிழக அரசு அறிவித்துள்ளது.

தமிழக அரசின் உயர்கல்வித்துறை கூடுதல் தலைமைச் செயலாளர் டி.எஸ்.ஸ்ரீதர் வெளியிட்ட அறிக்கையில் கூறப்பட்டுள்ளதாவது:

- அண்ணாமலை பல்கலைக்கழகத்தின் எம்.ஏ. (இங்கிலீஷ் மற்றும் கம்யூனிகேஷன்) படிப்பு, அரசு பணி நியமனத்தில் எம்.ஏ. ஆங்கில இலக்கியம் படிப்புக்கு சமமான படிப்பாக கருதப்படும்.

- கோவை அவினாசிலிங்கம் நிகர்நிலை பல்கலைக்கழகம் வழங்குகிற எம்.ஏ. அப்ளைடு சைக்காலஜி, கவுன்சிலிங் மற்றும் கைடன்ஸ் படிப்பு, மருத்துவக் கல்விப்பணியில் உதவி பேராசிரியர் மற்றும் கிளினிக்கல் சைக்காலஜிஸ்ட் பணிக்கு நிர்ணயிக்கப்பட்டுள்ள கல்வித்தகுதியான முதுநிலை உளவியல் படிப்புக்கு இணையானதாக ஏற்றுக்கொள்ளப்படும்.

- அண்ணாமலை பல்கலைக்கழகத்தின் 5 ஆண்டு ஒருங்கிணைந்த எம்.ஏ. அப்ளைடு எக்கனாமிக்ஸ் படிப்பு, எம்.ஏ. பொருளாதாரம் படிப்புக்கு சமமாக கருதப்படும்.

- கோவை பாரதியார் பல்கலைக்கழகம் வழங்கும் பி.எஸ்சி. பிளான்ட் பயாலஜி மற்றும் பிளான்ட் பயோடெக்னாலஜி படிப்பானது, பி.எஸ்சி. தாவரவியல் படிப்புக்கு இணையானதாகவும், இதே பல்கலைக்கழகத்தின் பி.ஏ. வரலாறு மற்றும் சுற்றுலா படிப்பு, பி.ஏ. வரலாறு பட்டப் படிப்புக்கு சமமாக ஏற்றுக்கொள்ளப்படும்.

- அண்ணாமலை பல்கலைக்கழகத்தின் பி.லிட் (தமிழ்) படிப்பு, சென்னை பல்கலைக்கழகத்தின் பி.லிட். (தமிழ்) படிப்புக்கு இணையானதாகவும், இதே பல்கலைக்கழகம் வழங்கும் எம்.ஏ. அப்ளைடு சைக்காலஜி படிப்பானது, எம்.ஏ. சைக்காலஜி படிப்புக்கு சமமாகவும் கருதப்படும் என்று அதில் கூறப்பட்டுள்ளது.

Published On October 12, 2012