மக்களுக்கான மசோதாக்களை நிறைவேற்றவிடாமல் தடுக்கிறது பாஜக: ராகுல்காந்தி

சோலன்: ஹிமாச்சலப் பிரதேச சட்டப்பேரவை தேர்தல் பிரச்சார களத்தில் காங்கிரஸ் பொதுச்செயலாளர் ராகுல்காந்தியும் குதித்துள்ளார். மக்களுக்கு நன்மை ஏற்படுத்தக் கூடிய மசோதாக்களை நிறைவேற்றவிடாமல் பாஜகவினர் தடுப்பதாக தமது பிரச்சாரத்தின் போது ராகுல்காந்தி சாடியுள்ளார்.

ராகுல்காந்தி தமது பிரச்சாரத்தின் போது, உணவுப் பாதுகாப்பு மசோதாவை ஐக்கிய முற்போக்குக் கூட்டணி அரசு நிறைவேற்றிவிட்டால் இனி எப்போதும் ஆட்சிக்கு வர முடியாது என்று பாஜக கருதுகிறது. இதனால்தான் எந்த மசோதாவை கொண்டுவந்தாலும் அதைத் தடுக்கிறது பாரதிய ஜனதா. இதேபோல்தான் நில ஆர்ஜிதம் தொடர்பான மசோதாவும். அந்த மசோதா நிறைவேறிவிட்டால் விவசாயிகளுக்கு நிலத்துக்கு உரிய விலை கிடைக்கும். இதையும் பாஜக தடுக்கிறது என்றார் அவர்.

மேலும் பாஜகவினர் ஊழல் பற்றி பேசுகின்றனர். ஹிமாச்சலப் பிரதேசத்திலோ ஏழைகளின் நிலத்தை பிடுங்கி பணக்காரர்களுக்கு கொடுத்து வருகின்றனர். ஊழல் எந்த துறையில் நடந்தாலும் மத்திய அரசு கடும் நடவடிக்கையை மேற்கொண்டு வருகிறது. எங்களது அமைச்சர்கள் பலர் சிறைக்கே போயிருக்கின்றனர் என்றார் ராகுல்காந்தி.

English summary

Joining the Himachal assembly poll campaign, Rahul Gandhi on Thursday, Oct 25 played to the hilt the Congress's 'aam admi' plank by accusing BJP of blocking legislations benefiting the people at large and stressed that UPA had taken strict action against corruption.