எனக்கு 60 பாஜக எம்எல்ஏக்கள் ஆதரவு: புதிய கட்சி தொடங்கும் எதியூரப்பா அறிவிப்பு

பெங்களூர்: பாஜகவிலிருந்து விலக முடிவு செய்துவிட்ட முன்னாள் கர்நாடக முதல்வர் எதியூரப்பா இன்று தனது ஆதரவு தலைவர்களுக்கு விருந்து வைத்தார். அதில் சில எம்எல்ஏக்கள், எல்எல்சிக்கள் கலந்து கொண்டனர்.

மேலும் மாநிலத்தின் பல்வேறு பகுதிகளில் இருந்தும் கட்சியின் முக்கியப் பிரமுகர்களும் ஏராளமான தொண்டர்களும் பங்கேற்றனர்.

விருந்துக்கு முன் நிருபர்களிடம் பேசிய எதியூரப்பா தனக்கு 60 எம்எல்ஏக்களின் ஆதரவு இருப்பதாகவும், அவர்கள் தான் தொடங்கவுள்ள புதிய கட்சியில் சேருவார்கள் என்றும் கூறினார்.

எதியூரப்பா கட்சியை உடைக்காமல் தவிர்க்கவும், எம்எல்ஏக்களை தன் பக்கம் இழுத்து ஆட்சியைக் கவிழ்க்காமல் தடுக்கவும் பாஜக தலைவர்கள் பெரும் முயற்சிகளில் ஈடுபட்டுள்ளனர்.

இந் நிலையில் நாளை பாஜக எம்எல்ஏக்கள்-எம்எல்சிக்களின் கூட்டத்தை பாஜக கூட்டியிருந்தது. ஆனால், அதை அந்தக் கட்சி ரத்து செய்துவிட்டது. அதே போல நாளை பாஜக மத்தியப் பார்வையாளரான தேவந்திர பிரதான் பெங்களூர் வருவதாக இருந்தது. அந்தக் கூட்டமும் ரத்து செய்யப்பட்டுவிட்டது.

டிசம்பர் 10ம் தேதிக்கு முன் தனது புதிய கட்சி தொடங்கப்படும் என எதியூரப்பா அறிவித்துள்ளது குறிப்பிடத்தக்கது.

English summary

The BJP might have started fresh negotiations with its disgruntled leader B.S. Yeddyurappa , however, the former Karnataka chief minister seems hell bent on floating his new party weaning away top party leaders from the state to his fold. The BJP's southern satrap held a meeting with his party's lawmakers from the state at his Bangalore residence on Tuesday. Ignoring his party leaders' appeal not to quit the BJP, Yeddyurappa hosted a lunch for his supporters as part of his moves to float his own party next month.