ஒபாமாவுக்கு திமுக தலைவர் கருணாநிதி வாழ்த்து!

By Shankar

Updated: Wednesday, November 7, 2012, 14:06 [IST]

Subscribe to Oneindia Tamil

சென்னை: அதிபர் தேர்தலில் அபார வெற்றி பெற்று மீண்டும் பதவி ஏற்கும் பாரக் ஒபாவுக்கு திமுக தலைவர் கருணாநிதி வாழ்த்து தெரிவித்துள்ளார்.

அதிபர் ஒபாமாவுக்கு அவர் அனுப்பியுள்ள வாழ்த்துச் செய்தி:

அமெரிக்க மக்களிடையே ஏற்றத் தாழ்வற்றதும், இன வேற்றுமையுணர்வு அற்றதுமான சமத்துவம் நிலைக்கவும், சமதர்ம உணர்வு துளிர்த்துச் செழிக்கவும், இவற்றோடு இந்தியா போன்ற நாடுகளுடன் உறவு தழைக்கவும் ஒபாமாவின் இந்த வெற்றி பயன்படும் என்று நம்புகிறேன்.

மீண்டும் அதிபரான தங்களுக்கு எனது உளப்பூர்வமான வாழ்த்துகள்," என்று கூறியுள்ளார். இந்த செய்தி கருணாநிதியின் ட்விட்டர் பக்கத்திலும், பேஸ்புக்கிலும் வெளியாகியுள்ளது.

ராமதாஸ்

அமெரிக்க அதிபர் தேர்தலில் பராக் ஒபாமா மீண்டும் வெற்றி பெற்றுள்ளதற்கு பா.ம.க நிறுவனர் ராமதாஸ் வாழ்த்துத் தெரிவித்துள்ளார்.

அவர் அனுப்பியுள்ள வாழ்த்துச் செய்தியில், அமெரிக்க அதிபர் தேர்தலில் ஜனநாயக கட்சி சார்பில் மீண்டும் போட்டியிட்ட அதிபர் ஒபாமா 300க்கும் அதிகமான வாக்குகளை பெற்று இரண்டாவது முறையாக வெற்றி பெற்றிருக்கிறார்.

அமெரிக்க மக்களின் ஏகோபித்த ஆதரவை பெற்று மீண்டும் அதிபராக வெற்றி பெற்றுள்ள ஒபாமாவுக்கு பாட்டாளி மக்கள் கட்சி சார்பில் ராமதாஸ் வாழ்த்துக்களை தெரிவித்துள்ளார். இந்தியா

அமெரிக்க இடையிலான உறவு தழைக்கவும், இலங்கையில் நிகழ்ந்த மனித உரிமை மீறல்கள் மற்றும் போர்க்குற்றங்களுக்கு காரணமானவர்களுக்கு தண்டனை பெற்றுத்தரவும், உலகம் முழுவதும் சமத்துவ சமுதாயம் மலரவும் அதிபர் ஒபாமா பாடுபடுவார் என்று நம்புகிறேன் என்று அவர் கூறியுள்ளார்.