ராக்கியிடமும் ஒன்றுமில்லை, கெஜ்ரிவாலிடமும் ஒன்றும் இல்லை.. திக் விஜய் சிங் நக்கல்

டெல்லி: கவர்ச்சி நடிகை ராக்கி சாவந்த்தும் சரி, அரவிந்த் கெஜ்ரிவாலும் சரி, இருவருமே தங்களிடம் ஏதோ இருப்பதாக நினைத்தாலும் கூட அவர்களிடம் அப்படி ஒன்றும் இல்லை என்று காங்கிரஸ் பொதுச் செயலாளர் திக்விஜய் சிங் நக்கலடித்துப் பேசியுள்ளார்.

சோனியா காந்தியின் மருமகன் ராபர்ட் வத்ரா, மத்திய அமைச்சர் சல்மான் குர்ஷித், பாஜக தலைவர் நிதின் கத்காரி, அம்பானி சகோதரர்கள் என பலர் மீதும் அரவிந்த் கெஜ்ரிவால் குழுவினர் சரமாரியாக ஊழல் புகார்களை சுமத்தி வருகின்றனர்.

இந்த நிலையில் கெஜ்ரிவால் குறித்து கிண்டலடித்துள்ளார் திக்விஜய் சிங். அதிலும் அவரை கவர்ச்சி நடிகை ராக்கி சாவந்த்துடன் இணைத்துப் பேசி விமர்சித்துள்ளார்.

இதுகுறித்து டிவிட்டரில் அவர் கூறுகையில், கெஜ்ரிவாலும், ராக்கி சாவந்தும் தங்களிடம் ஏதோ இருப்பது போல காட்டிக்கொள்ள நினைத்தாலும்கூட வலுவாக ஏதுமில்லை என்று அவர் வாரியுள்ளார். இதற்கு ராக்கி சாவந்த் கடும் கண்டனம் தெரிவித்துள்ளார். இதையடுத்து நான் ராக்கி சாவந்த்தை மட்டம் தட்டிப் பேசவில்லை. உண்மையில் நான் அவருடைய பழைய ரசிகர். ராக்கி என்னை மன்னிக்க வேண்டும் என்று கூறியுள்ளார் திக்விஜய் சிங்.

அடடா, அரசியல் இவ்ளோ 'கண்ணியமாயிட்டு' வருதே... காந்தி தாத்தா, நல்லவேளை நீங்க இல்லை..!

English summary

Congress leader Digvijay Singh on Sunday compared activist-turned-politician Arvind Kejriwal with Bollywood's item girl Rakhi Sawant, saying that they both try and expose but with no substance.