இளவரசர் வில்லியமுக்குப் பேசப்பட்ட இளவரசி.. இப்போது ஒரு நடிகை!
சிறு வயது முதலே லண்டனில் வசித்து வந்த தியோடராவுடன் சேர்ந்து வளர்ந்தவர்கள்தான் இளவரசர்கள் வில்லியமும், அவரது தம்பி ஹாரியும். ஒரு கட்டத்தில் தியோடராவுக்கு, வில்லியமைக் கட்டி வைக்க வில்லியமின் பாட்டியான ராணி எலிசபெத் யோசித்து வந்தாராம். ஆனால் என்ன காரணத்தாலோ அது கை கூடவில்லையாம்.
வில்லியமுக்கும், கேட் மிடில்டனுக்கும் திருமணம் நடந்தபோது அதில் தியோடரா கலந்து கொள்ளவில்லை. அப்போது அவர் லாஸ் ஏஞ்செலஸில் இருந்ததால் வர முடியவில்லையாம்.
இப்போது தியோடரா ஒரு நடிகையாவார். அமெரிக்காவின் பிரபல டிவி தொடரான தி போல்ட் அன்ட் பியூட்டிபுல் தொடரில் நடித்து வருகிறாராம்.
பார்க்க படு அழகாக, க்யூட்டாக காணப்படும் தியோடராவுக்கு வில்லியமை மணக்காமல் போனதில் வருத்தம் இல்லையாம். இதுகுறித்து அவர் கூறுகையில், உண்மையில் நான், வில்லியம், ஹாரி ஆகியோர் சிறு வயதிலிருந்தே நல்ல நண்பர்கள். எங்களுக்குள் திருமணம் குறித்தெல்லாம் எந்த சிந்தனையும் இருந்ததில்லை. எனக்கும், வில்லியமுக்கும் திருமணம் செய்து வைக்க ராணி யோசித்தார் என்பதே எனக்கு ஆச்சரியமாக உள்ளது என்று கூறுகிறார்.
தியோடராவின் தந்தை, வில்லியமுக்கு ஒரு வகையில் தாத்தா ஆவார். அதேபோல வில்லியமின் தந்தை டயானா, தியோடராவுக்கு ஒரு வகையில் பாட்டி முறை வருவாராம். எனவே இவர்கள் ஒருவருக்கு ஒருவர் உறவு முறையில்தான் வருகின்றனராம்.
இன்னும் திருமணமாகாத தியோடரா, தற்போது ஒருவருடன் டேட்டிங்கில் ஈடுபட்டிருப்பதாக கூறப்படுகிறது. ஆனால் அவரையே திருமணம் செய்து கொள்வாரா என்பதை தியோடரா ரகசியமாக வைத்துள்ளார்.
Click it and Unblock the Notifications
Sign in with Google