'தந்தி டிவி' ஆக மாறிய என்.டி.டிவி-ஹிந்து

By Mayura Akilan

Published: Wednesday, November 14, 2012, 10:19 [IST]

Subscribe to Oneindia Tamil

சென்னை: தமிழ்நாட்டின் முன்னணி செய்தித்தாள் நிறுவனமான தினத்தந்தி குழுமத்தில் இருந்து ‘தந்தி டிவி' தீபாவளி தினம் முதல் ஒளிபரப்பை தொடங்கியுள்ளது.

என்டிடிவி - ஹிந்து சேனலை ஏப்ரல் மாதம் முதல் கையகப்படுத்திய தினந்தந்தி இந்த சேனலை பெயர் மாற்றம் செய்யாமல் இருந்தது இந்நிலையில் தீபாவளி முதல் தந்தி டிவி என புதிய பெயருடன் களமிறங்கியுள்ளது.

மாறிய லோகோ

ஏப்ரல் மாதம் முதல் என்.டி.டி.வி - ஹிந்து சேனல் தினத்தந்தி வசம் மாறினாலும் அதன் லோகோ மாற்றப்படாமல் இருந்தது. தீபாவளி தினத்தன்று தந்தி டிவி என்ற பெயருடன் களங்கரை விளக்கம் லோகோ வும் இடம் பெற்றுள்ளது. தந்தி டிவியில் செய்திகள் மட்டுமல்லாது, பொழுதுபோக்கு நிகழ்ச்சிகளும் புதுப்பொலிவுடன் இடம் பெறும் என்று நிர்வாகிகள் அறிவித்துள்ளனர்.

சன் நியூஸ்க்கு போட்டியா?

ஏற்கனவே புதிய தலைமுறையின் வருகையினால் சன் டிவியின் செய்திச் சேனலுக்கு தள்ளாட்டம் ஏற்பட்டுள்ளது. தற்போது தினத்தந்தியும் செய்திச் சேனலை புதுப்பொலிவுடன் களம் இறக்குவதால் செய்திப் போட்டி மகா கடுமையாகும் என்று எதிர்பார்க்கப்படுகிறது.

Published On November 14, 2012