சர்க்கரைத் துறையை கட்டுப்பாட்டில் இருந்து விடுக்கலாமா? மாநிலங்களின் கருத்தை கோருகிறது மத்திய அரசு!

டெல்லி: சர்க்கரைத் துறையை தமது கட்டுப்பாட்டிலிருந்து விடுவிப்பது தொடர்பாக மாநில அரசுகளின் கருத்தை மத்திய அரசு கோரியுள்ளது.

சர்க்கரை துறையை அரசின் கட்டுப்பாட்டிலிருந்து விடுவிக்கலாம் என்று அண்மையில் ரங்கராஜன் குழு அரசுக்கு பரிந்துரை அளித்திருந்தது. ரங்கராஜன் குழுவின் பரிந்துரையை ஏற்க மத்திய அரசு முடிவு செய்திருக்கிறது.

இதைத் தொடர்ந்து அரசின் கட்டுப்பாட்டில் இருந்து சர்க்கரை துறையை விடுவிப்பது குறித்து கருத்து தெரிவிக்குமாறு மாநில அரசுகளை மத்திய அரசு கேட்டுக் கொண்டுள்ளது.

மாநில அரசுகளின் நிலைப்பாடு மிகவும் முக்கியம் என்பதால் இம்மாத இறுதிக்குள் கருத்துகளைக் கோரியுள்ளதாக டெல்லி வட்டாரங்கள் தெரிவித்துள்ளன.

English summary

Speeding up work to decide on decontrolling the sugar sector, the Centre has sought the views of the state governments on the Rangarajan report by the month-end.