அமைச்சர் மூர்த்தியை நீக்குங்கம்மா.. ஜெ. முன் பொங்கி எழுந்த அதிமுக எம்.எல்.ஏ!

Published: Monday, November 26, 2012, 15:38 [IST]

Subscribe to Oneindia Tamil

சென்னை: பால்வளத்துறை அமைச்சர் மாதவரம் மூர்த்தியை பதவி நீக்கம் செய்யக் கோரி முதல்வர் ஜெயலலிதா முன்பு அதிமுகவைச் சேர்ந்த அம்பத்தூர் எம்.எல்.ஏ. வேதாச்சலம் போராட்டம் நடத்தியதால் பரபரப்பு ஏற்பட்டது. ஆனால் அம்மா தன்னைக் கண்டு கொள்ளாமல் போனதால் வேதாச்சலம் ஏமாற்றமடைந்தார்.

தமிழக அமைச்சரவையில் பால்வளத்துறை அமைச்சராக இருப்பவர் மாதவரம் மூர்த்தி. இவர் மீது அவ்வப்போது மேலிடத்தில் புகார்கள் பாய்ந்தவண்ணம் உள்ளன. இந்த நிலையில் இன்று மூர்த்திக்கு எதிராக பெரிய போராட்டத்தை நடத்தி விட்டார் அம்பத்தூர் அதிமுக எம்.எல்.ஏ. வேதாச்சலம்.

இன்று காலை நூற்றுக்கம் மேற்பட்ட தொண்டர்களுடன் வேதாச்சலம் போயஸ் கார்டனுக்கு வந்தார். அங்கு முதல்வர் ஜெயலலிதாவிடம் அவர்கள் மனு கொடுக்க முயன்றனர். அமைச்சர் மூர்த்தியை பதவி நீக்கம் செய்ய வேண்டும் என்றும் அவர்கள் முழக்கமிட்டனர்.

இந்த நிலையில் முதல்வரின் கார் அங்கு வந்தது. இதையடுத்து முதல்வரை நோக்கி வேதாச்சலம் உள்ளிட்டோர் ஓடினர். ஆனால் முதல்வரின் கார் நிற்காமல் போய் விட்டது. இதனால் வேதாச்சலம் உள்ளிட்டோர் ஏமாற்றமடைந்து விட்டார்கள்.

Published On November 26, 2012