மெஜாரிட்டி ஆட்சியில் மெஜாரிட்டியாக பரவும் டெங்கு: ' கலாய்க்கிறாராம்' மு.க.ஸ்டாலின்

By Mathi

Published: Monday, November 26, 2012, 14:57 [IST]

Subscribe to Oneindia Tamil

மதுரை: தமிழகத்தில் பெரும்பான்மை எம்.எல்.ஏக்களைப் பெற்று மெஜாரிட்டியால் நடக்கும் ஆட்சியில் மெஜாரிட்டியாக பரவுகிறது டெங்கு மற்றும் மர்ம காய்ச்சல்கள் என்று திமுக பொருளாளர் மு.க.ஸ்டாலின் சாடியுள்ளார்.

மறைந்த திமுக முன்னாள் அமைச்சர் சமயநல்லூர் செல்வராஜின் இறுதி நிகழ்ச்சியில் கலந்து கொள்ள மதுரை வந்த அவர் செய்தியாளர்களிடம் பேசுகையில், மெஜாரிட்டியால் நடைபெற்று வரும் ஆட்சியில் டெங்கு மற்றும் மர்ம காய்ச்சல் போன்றவை மெஜாரிட்டியாக பரவி வருகின்றன என்று கிண்டலடித்தார்.

கடந்த திமுக ஆட்சிக் காலத்தின் போது, 'சிறுபான்மை' அரசு, 'சிறுபான்மை' அரசின் முதல்வர் என்றுதான் அதிமுக பொதுச்செயலர் ஜெயலலிதா குறிப்பிடுவார். அதற்கு ஸ்டாலின் தற்போது பதிலடி கொடுக்கும் விதமாக கிண்டலடித்திருக்கிறார்.

செய்தியாளர்கள் சந்திப்புக்குப் பிறகு மதுரையில் உள்ள செல்வராஜின் உடலுக்கு ஸ்டாலின் மலர் வளையம் வைத்து அஞ்சலி ச்லுத்தினார்.

Published On November 26, 2012