• search
For Quick Alerts
ALLOW NOTIFICATIONS  
For Daily Alerts

தாக்கரே: பேஸ்புக்கில் லைக் போட்டு கைதான மும்பை பெண்ணுக்கு சென்னை கல்லூரியில் இடம்

By Mayura Akilan
|
Reenu Srinivasan
சென்னை: பால்தாக்கரே மரணமடைந்ததை அடுத்து அனுஷ்டிக்கப்பட்ட பந்த் பற்றி பேஸ்புக்கில் எழுதப்பட்ட கமெண்டிற்கு லைக் போட்டு கைதான ரேணு சீனிவாசனுக்கு சென்னை கல்லூரியில் படிக்க இடம் கிடைத்துள்ளது.

மும்பையில் பால்தாக்கரே இறுதி ஊர்வலத்துக்காக 'பந்த்' அனுசரிக்கப்பட்டது. இதுபற்றி ஷாகீன் தத்தா என்ற மாணவி பேஸ் புக்கில் விமர்சனம் செய்திருந்தார். இந்த கருத்துக்கு ரேணு சீனிவாசன் லைக் போட்டிருந்தார். இது பயங்கர சர்ச்சையை கிளப்பியது. இதனை எதிர்த்து சிவசேனா தொண்டர்கள் ஆர்ப்பாட்டம் செய்ததால் 2 மாணவிகளையும் மும்பை போலீசார் கைது செய்தனர். அவர்கள் சிறையில் அடைக்கப்பட்டனர்.

இந்த நடவடிக்கைக்கு பலதரப்பில் இருந்தும் எதிர்ப்பு கிளம்பியதை அடுத்து மாணவிகள் உடனடியாக விடுவிக்கப்பட்டனர். கைது செய்த 2 போலீஸ் அதிகாரிகள் சஸ்பெண்டு செய்யப்பட்டனர்.

காவலில் வைக்க உத்தரவிட்ட மும்பை மாஜிஸ்திரேட்டு இட மாற்றம் செய்யப்பட்டார். பேஸ்ஃபுக்கில் பதிவிட்ட பெண்கள் இருவரும் பேஸ்ஃபுக் அக்கவுண்ட்டை காலி செய்தனர்.

இந்த நிலையில் மாணவி ரேணு மும்பையை விட்டு வெளியேறி சென்னையில் மேல் படிப்பு படிக்க திட்டமிட்டுள்ளார். சென்னையில் உள்ள ஒரு என்ஜினீயரிங் கல்லூரியில் சவுண்டு என்ஜினீயரிங் பற்றி 2 ஆண்டு படிப்பில் சேர விண்ணப்பித்து இருந்தார். இதையடுத்து மாணவி ரேணு சீனிவாசனை சேர்த்துக்கொள்ள கல்லூரி நிர்வாகம் முடிவு செய்துள்ளது. தன் மீதான பேஸ் புக் புகார்கள் மற்றும் கைது நடவடிக்கை சர்ச்சை காரணமாக தனது எதிர்கால கல்வி பாதிக்கப்படுமா என மாணவி அஞ்சினார். ஆனால் அவருக்கு நேர்முகத் தேர்வு இல்லாமலேயே கல்லூரியில் இடம் அளிக்க நிர்வாகம் முன் வந்துள்ளது.

ஏனெனில் நேர்முகத்தேர்வு சமயத்தில்தான் ரேணு சர்ச்சையில் சிக்கி கைதாகியிருந்தார். பின்னர் ஜாமீனில் விடுவிக்கப்பட்ட நிலையிலும் பால்காரை விட்டு வெளியேற முடியவில்லை. அதனால் ரேணுவால் நேர்முகத்தேர்வுக்கு வர இயலவில்லை. இப்பொழுது ரேணுவிற்கு எதிரான வழக்கு ஒன்றுமில்லை என்றாகிவிட்ட நிலையில் சென்னை கல்லூரியில் படிக்க வாய்ப்பு கிடைத்துள்ளது.

பேஸ் ஃபுக் விவகாரம் கிளம்பும் முன் ரேணு சென்னை கல்லூரியில் சேர விண்ணப்பித்து இருந்தார். அதன் பிறகு இந்த பிரச்சினை உருவானதால் இடம் கிடைக்குமா? என்ற சந்தேகம் ஏற்பட் டது. தற்போது நிலைமை சுமூகமாகி விட்டது. ரேணுவுக்கு நேர்முக தேர்வு இல்லாமலேயே கல்லூரியில் சேர விதிவிலக்கு அளிக்கப்பட்டுள்ளது என்று ரேணுவின் சகோதரர் கூறியுள்ளார்.

கைது நடவடிக்கைக்குப் பின்னர் ஷகீன் பேஸ்ஃபுக்கை விட்டே விலகிவிட்டார். ரேணு இப்பொழுது எல்லாம் குட்மார்னிங் உடன் நிறுத்திக்கொள்கிறாராம்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
Young Rinu Srinivasan finally received some genuinely good news. She has gained admission to the Muzik Lounge School of Audio Technology in Chennai for a two-year course in sound engineering.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more