பார்வையாளர்களை பரவசத்தில் ஆழ்த்திய பறக்கும் 'அழகிகள்'!

By Chakra

Published: Thursday, February 7, 2013, 13:15 [IST]

Subscribe to Oneindia Tamil

பெங்களூர்: பெங்களூரில் தொடங்கியுள்ள விமானக் கண்காட்சியில் முதல் நாளில் பார்வையாளர்களை பரவசத்தில் ஆழ்த்தின பல்வேறு வகை விமானங்களும் ஹெலிகாப்டர்களும்.

மிராஜ் 2000:

பிரான்ஸ் நாட்டின் டஸ்ஸால்ட் ரபாலே நிறுவனம் தயாரித்த மிராஜ் 2000 ரக விமானம் பெங்களூர் வானில் தனது சாகஸத்தைக் காட்டியது. இந்திய விமானப் படையில் மிக முக்கிய பங்கு வகிக்கும் விமானம் இது.

சராங்:

இந்தியாவே தயாரித்துள்ள அட்வான்ஸ்ட் லைட் ஹெலிகாப்டர் (ALH) இது. விமானப் படையில் சராங் என அழைக்கப்படும் ஏரோபாட்டிக்ஸ் டீம் செய்து காட்டிய அட்டகாசம் இது.

ராணுவ கமாண்டோக்கள்:

இந்திய ராணுவத்தினரின் கமாண்டோக்கள் தங்கள் ஆயுதங்களை ஹெலிகாப்டர்கள் மூலம் தரையிறக்கிக் கொண்டே, பல்லாயிரம் அடி உயரத்திலிருந்து ஹெலிகாப்டர்களில், கயிற்றில் தொங்கியபடி தரையை அடையும் காட்சி இது. விமான கண்காட்சியில் அனைவரையும் மெய் மறக்க வைத்த நிகழ்வு இது.

உலகின் சிறிய போர் விமானம்:

இந்தியாவே தயாரித்துள்ள லைட் காம்பேட் ஏர்கிராப்ட் (LCA) எனப்படும் போர் விமானம் இது. உலகின் மிகச் சிறிய அதே நேரத்தில் அதி நவீன போர் விமானம் இது தான். தேஜஸ் என்று அழைக்கப்படும் இந்த விமானம் விரைவிலேயே விமானப் படையில் சேர்க்கப்படும் என்று கடந்த 5 ஏர்ஷோக்களிலும் கலந்து கொள்ளும் பாதுகாப்பு அமைச்சர்களும் சொல்லிக் கொண்டே இருக்கிறார்கள்.