காதலை யாருமே தடுக்க முடியாது, ராமதாஸ் உணர வேண்டும் - டி.ராஜா

Published: Sunday, February 10, 2013, 11:25 [IST]

Subscribe to Oneindia Tamil

சென்னை: காதலை யாருமே, எப்போதுமே தடுக்க முடியாது. அது இயற்கையான ஒன்று. டாக்டர் ராமதாஸ் தனது ஜாதி அரசியலைக் கைவிட வேண்டும் என்று கூறியுள்ளார் இந்திய கம்யூனிஸ்ட் கட்சியின் தேசியச் செயலாளர் டி.ராஜா.

டாக்டர் ரவீந்திரநாத் எழுதிய கலப்புமணமும்- பிரச்சினைகளும், தீர்வுகளும் குறித்த நூலை ராஜா வெளியிட்டார். பின்னர் அவர் நிகழ்ச்சியில் பேசுகையில்,

உலகத்தில் உள்ள உறவுகளில் ஆண், பெண் உறவுகள் போன்று வேறு எதுவும் கிடையாது. காதல் என்பது இயற்கையான ஒன்று. காதலையும், கலப்பு திருமணத்தையும் யாராலும் தடுக்க முடியாது.

21-வது நூற்றாண்டில் தர்மபுரி போன்ற சம்பவங்கள் நடந்திருப்பது என்ன நாகரிகமோ?. டாக்டர் ராமதாஸ் சாதி அரசியலை கைவிட வேண்டும். சாதி அரசியலை கையாண்டவர்கள் வெற்றி பெற்றதில்லை என்பது வரலாறு. நாட்டில் சமூக விடுதலை, முன்னேற்றம், பெண் விடுதலை, முன்னேற்றத்தை பிரதிபலிக்க செய்ய வேண்டும் என்றார் ராஜா.

Published On February 10, 2013