கணவரை விட அதிகம் சம்பாதிக்கும் ஹிலாரி கிளிண்டன்: ஒருமுறை பேச 2 லட்சம் டாலர் பீஸ்!

வாஷிங்டன்: அமெரிக்க முன்னாள் வெளியுறவுத்துறை அமைச்சர் ஹிலாரி கிளிண்டன் இப்போது பேசி சம்பாதித்து வருகிறார். ஒருமுறை மேடை ஏறி பேச அவருக்கு 2,00,000 அமெரிக்க டாலர்கள் கட்டணமாக வழங்கப்படுகிறதாம்.

கடந்த சில மாதங்களுக்கு முன்பு வரை அமெரிக்க நாட்டின் வெளியுறவுத்துறை அமைச்சராக பதவி வகித்தவர் ஹிலாரி கிளிண்டன். அப்போது அவருக்கு 1,86,000 டாலர் மாதச் சம்பளமாக வழங்கப்பட்டது.

தற்போது பதவியிலிருந்து ஓய்வு பெற்ரு விட்ட ஹில்லாரி, நியூயார்க் நகரை தலைமையிடமாகக் கொண்ட ஹாரி வாக்கர் ஏஜென்சியில் இணைந்துள்ளார். இங்கு அவர் மிக முக்கியமான உரைகளை நிகழ்த்துவர் என்று எதிர்பார்க்கப்படுகிறது.

ஹிலாரியின் கணவரான பில் கிளிண்டன், அதிபர் பதவியில் இருந்து ஓய்வு பெற்ற பின்னர் 11 ஆண்டுகளாக இந்த நிறுவனத்தின் மூலம் 471 உரைகளை நிகழ்த்தியுள்ளார். கிளிண்டன் ஒருமுறை பேச 1,89,000 டாலர் சம்பளம் பெற்றுள்ளாராம். இதேபோல் இந்த ஏஜென்சியில் பேசும் அர்னால்டு ஸ்வாஸ்நேகர், அல்கோர், டிக் சென்னி, சாரா பாலின் ஆகியோரும் 6 இலக்க சம்பளம் பெற்று வருகின்றனர் என்பது குறிப்பிடத்தக்கது.

அவர்கள் வரிசையில் ஹிலாரி கிளிண்டன் இணைந்துள்ளார். அவரின் அரசியல் ரீதியான பேச்சு பரபரப்பை கிளப்பும் என்று எதிர்பார்க்கப்படுகிறது. தான் பெரும் சம்பளத்தை ஏழை எளியவர்களுக்கு வழங்கவும் முடிவு செய்துள்ளார் ஹிலாரி.

English summary

Former US Secretary of State Hillary Clinton has joined the speaking circuit and will charge a whooping USD 200,000 per appearance, making her one of the highest paid public figures on such appearances.