பாங்க் ஆஃப் அமெரிக்கா போர்டிலிருந்து முகேஷ் அம்பானி விலகுகிறார்!

வாஷிங்டன்: அமெரிக்காவின் 2-வது பெரிய வங்கியான பாங்க் ஆஃப் அமெரிக்காவின் போர்டில் இருந்து ரிலையன்ஸ் குழுமத் தலைவர் முகேஷ் அம்பானி விரைவில் பதவி விலக இருக்கிறார்.

பாங்க் ஆஃப் அமெரிக்காவின் போர்ட்டில் கடந்த 2011-ம் ஆண்டு மார்ச் மாதம் முகேஷ் அம்பானி இணைந்தார். ஏற்கெனவே மொர்கன் ஸ்டான்லி நிறுவனத்தின் முன்னாள் தலைமை செயல் அதிகாரி ராபர்ட் ஸ்கல்லியும் பதவி விலகுவதாக அறிவித்திருந்தார். இதைத் தொடர்ந்து முகேஷ் அம்பானி தமது விலகல் அறிவிப்பை வெளியிட்டிருக்கிறார்.

இது தொடர்பாக கருத்து தெரிவித்த பாங்க் ஆஃப் அமெரிக்காவின் செய்தித் தொடர்பாளர், இது அம்பானியின் தனிப்பட்ட முடிவு என்றார். கடந்த ஆகஸ்ட் மாதம் முதல் இந்த வங்கியின் போர்டில் 6 உறுப்பினர்கள் சேர்க்கப்பட்டிருக்கின்றனர்.

English summary

Bank of America Corp said on Friday that MukeshAmbani, chairman of Reliance Industries Ltd, will step down from the No. 2 US bank's board of directors at its annual shareholder meeting in May.