பாரதமாதாவுக்கு குட்பை சொல்லிவிட்டு அமெரிக்காவில் செட்டிலாகத் துடிக்கும் 1 கோடி இந்தியர்கள்

வாஷிங்டன்: 1 கோடி இந்தியர்கள் அமெரிக்காவில் நிரந்தரமாக குடியேற விரும்புகிறார்கள் என்று ஒரு கணக்கெடுப்பில் தெரிய வந்துள்ளது.

என்ன வளம் இல்லை இந்த திருநாட்டில் என்று நாம் தான் சொல்லிக் கொண்டிருக்கிறோம். ஆனால் பல இந்தியர்கள் அமெரிக்காவில் செட்டிலாகத் தான் விரும்புகிறார்கள்.

கேலப் என்ற நிறுவனம் 154 நாடுகளில் வசிப்போரிடம் ஒரு கணக்கெடுப்பு நடத்தியது. அதில் 138 மில்லியன் பேர் அமெரிக்காவில் நிரந்தரமாக குடியேற விரும்புவதாக தெரிவித்துள்ளனர். 42 மில்லியன் பேர் இங்கிலாந்திலும், 37 மில்லியன் பேர் கனடாவிலும், 10 மில்லியன் பேர் பிரான்ஸிலும் குடியேற விரும்புகின்றனர்.

அமெரிக்காவில் செட்டிலாகத் துடிக்கும் சீனர்கள்

உலக நாடுகளிலேயே அதிக பட்சமாக 19 மில்லியன் சீனர்கள் அமெரிக்காவில் குடியேற விருப்பம் தெரிவித்துள்ளனர். சீனர்களைத் தொடர்ந்து 13 மில்லியன் நைஜீரியர்கள் அமெரிக்காவில் நிரந்தரமாக குடியேற விரும்புகின்றனர்.

அமெரிக்காவுக்கு பறக்க விரும்பும் 1 கோடி இந்தியர்கள்

சீனர்கள், நைஜீரியர்களைத் தொடர்ந்து 1 கோடி இந்தியர்கள் அமெரிக்காவில் குடியேற ஆர்வமாக உள்ளனர்.

அமெரிக்காவை விரும்பாத பாகிஸ்தான், ஈரான் மக்கள்

பாகிஸ்தான் மக்களில் பெரும்பாலானோர் அமெரிக்காவில் குடியேற விரும்பவில்லை. மாறாக சவூதி அரேபியா மற்றும் இங்கிலாந்து ஆகிய நாடுகளில் குடியேற விரும்புகின்றனர். இதே போன்று ஈரான் மக்களும் அமெரிக்காவுக்கு பதில் ஜோர்டான் அல்லது லெபனானில் குடியேற விரும்புகின்றனர்.

English summary

Some 10 million Indians say they would like to leave their country and move to the US permanently -- the No 1 desired destination for potential migrants around the world, according to a new poll.