இலங்கை விவகாரம்: கல்லூரி மாணவர்கள் போராட்டத்திற்கு கமல் ஹாசன் ஆதரவு

By Siva

Published: Sunday, March 24, 2013, 15:41 [IST]

Subscribe to Oneindia Tamil

சென்னை: இலங்கை அரசை கண்டித்து தமிழகம் முழுவதும் கல்லூரி மாணவர்கள் நடத்தும் போராட்டத்திற்கு தனது ஆதரவை தெரிவித்துள்ளார் உலக நாயகன் கமல் ஹாசன்.

இலங்கையில் இறுதி கட்டப் போரின் போது அப்பாவி தமிழர்களை கொன்று குவித்த ராஜபக்சே அரசை எதிர்த்து தமிழகம் முழுவதும் உள்ள கல்லூரிமாணவர்கள் தொடர் போராட்டம் நடத்தி வருகின்றனர். இந்த விவகாரம் தொடர்பாக தமிழ் திரைப்பட இயக்குனர்கள் உண்ணாவிரதப் போராட்டம் நடத்தினர். மேலும் வரும் 2ம் தேதி தென்னிந்திய நடிகர் சங்கம் சார்பில் உண்ணாவிரதப் போராட்டம் நடக்கிறது.

இந்நிலையில் இலங்கை விவகாரம் மற்றும் மாணவர்களின் போராட்டம் குறித்து கமல் ஹாசனிடம் கேட்டதற்கு அவர் கூறுகையில், இலங்கை அரசை எதிர்த்து போராடும் கல்லூரி மாணவர்களுக்கு எனது முழு ஆதரவு உண்டு. இதில் தனியாக எனது கருத்தை தெரிவிக்க வேண்டிய தேவை இல்லை என்று நினைக்கிறேன் என்றார்.

Published On March 24, 2013