பாக் தேர்தல் - இம்ரான் கானை 'தகர்க்க' களம் இறக்கப்படும் கவர்ச்சி நடிகை மீரா!

Published: Sunday, March 31, 2013, 11:05 [IST]

Subscribe to Oneindia Tamil

லாகூர்: இந்தியப் படங்களில்தலை காட்டியுள்ள பாகிஸ்தான் கவர்ச்சி நடிகை மீரா, பாகிஸ்தான் தேர்தலில் போட்டியிடப் போகிறார். அதுவும் முன்னாள் காதல் மன்னன் இம்ரான் கானை எதிர்த்தாம்.

மே 11ம் தேதி பாகி்தானில் பொதுத் தேர்தல் நடைபெறவுள்ளது. இதில் இம்ரான் கான் தலைமையிலான தெஹ்ரிக் இ இன்சாப் கட்சி ஏராளமான இடங்களில் போட்டியிடவுள்ளது. மக்கள் மத்தியில் ஆளுங்கட்சிக்கு எதிராக நிலவி வரும் மன அதிருப்தியை பயன்படுத்தி இந்த முறை எப்படியும் ஜெயித்து விட வேண்டும் என்ற வேகத்தில் உள்ளார் இம்ரான் கான்.

இந்த நிலையில் அவர் போட்டியிடவுள்ள தொகுதியில் அவருக்கு எதிராக பாகிஸ்தான் கவர்ச்சி நடிகை மீராவைக் களம் இறக்குகின்றனராம்.

இதுகுறித்து மீராவின் தாயார் ஷபாகத் ஜோஹ்ரா கூறுகையில், எனது மகள் இம்ரான் கானை எதிர்த்துப் போட்டியிடுவார். லாகூர் தொகுதியில் இம்ரான் கான் போட்டியிடுவார் என்று தெரிகிறது. அங்கு எனது மகள் போட்டியிடுவார்.

நவாஸ் ஷெரீப் பிரிவு பாகிஸ்தான் முஸ்லீம் லீக் கட்சி சார்பில் போட்டியிட எனது மகள் டிக்கெட் கேட்டுள்ளார். கிடைத்தால் போட்டி சுவாரஸ்யமாக இருக்கும் என்றார்.

Published On March 31, 2013