பகலில் வாதாடும் வக்கீல், இரவில் பாடும் பறவை... ஆஸி.யைக் கலக்கும் பாப் பாடகி
சிட்னி: பகலில் வக்கீல், இரவில் பாப் பாடகி என இரு தொழில்களிலும் ஜொலித்து வருகிறார் போவி ஜோனி என்ற ஆஸ்திரேலியப் பெண்.
சினிமா, நாடகங்களில் ஒருவரே மாறுபட்ட வேடங்களில் தோன்றி அசத்துவதை பார்த்திருக்கிறோம். நிஜத்தில் அதுபோன்ற அசாத்திய திறமைசாலிகளை விரல் விட்டு எண்ணி விடலாம்.
ஆனால் ஆஸ்திரேலியாவில் ஒரு பெண் எதிரும் புதிருமான இரு துறைகளில் தனி முத்திரை பதித்துள்ளார்.
டபுள் ஆக்ஷன்...
போவி ஜேன் (27) என்ற அந்த இளம்பெண் உண்மை வாழ்க்கையில் இரட்டை வேடத்தில் வலம் வருகிறார்.
சட்டப் பறவை....
சட்டத்துறையில் பட்டதாரியான இவர் பகலில் குற்றவியல் வக்கீலாக கோர்ட்டுகளுக்கு சென்று வாதிடுகிறார்.
பாடும் பறவை...
கானக்குயிலாக இரவு நேரத்தில் மேடையில் தோன்றி பாப் இசைப்பாடல்களை பாடுகிறார்.
கொட்டுது பணம்...
பாட்டு, பேச்சுனு ரெண்டுலயும் அவருக்கு வருமானம் கொட்டோகொட்டுனு கொட்டுதாம்.
கெட்டப் சேஞ்ச்...
அவர் தனது கூந்தல் அலங்காரத்தை நேரத்திற்கேற்ப மாற்றிக் கொள்வதால் இவரை வாடிக்கையாளர்கள் எளிதில் அடையாளம் கண்டுகொள்ள முடியாது.
அப்பாக்காக வக்கீல்... எனக்காக பாட்டு...
இதுபற்றி ஜேன் கூறுகையில், ‘சிறுவயது முதலே எனக்கு இசை மீது ஆர்வம் உண்டு. ஆனால் நான் பட்டம் பெற்று நல்ல வேலைக்கு செல்ல வேண்டுமென பெற்றோர் விரும்பினார்கள். எனவே இரு விருப்பத்துக்கும் ஏற்றவாறு எனது வாழ்க்கையை அமைத்துக் கொண்டு விட்டேன்' என்கிறார்.
Click it and Unblock the Notifications
Sign in with Google