ராகுல் ஒரு பெரிய பூஜ்ஜியம், காங்கிரஸ் மோடியைப் பார்த்து பயப்படுகிறது: பாஜக

By Siva

Updated: Tuesday, April 23, 2013, 15:19 [IST]

Subscribe to Oneindia Tamil

Rahul Gandhi a big zero, Congress afraid of Narendra Modi: BJP

இந்தூர்: காங்கிரஸ் துணை தலைவர் ராகுல் காந்தி ஒரு பெரிய பூஜ்ஜியம் என்றும், காங்கிரஸ் தலைவர்கள் குஜராத் முதல்வர் நரேந்திர மோடியைப் பார்த்து பயப்படுகிறார்கள் என்றும் பாஜக தெரிவித்துள்ளது.

இது குறித்து பாஜக செய்தித் தொடர்பாளர் விஜய் சங்கர் சாஸ்திரி இந்தூரில் செய்தியாளர்களிடம் கூறுகையில்,

மோடியுடன் ஒப்பிடுகையில் ராகுல் காந்தி ஒரு பெரிய பூஜ்ஜியம். காங்கிரஸ் தலைவர்கள் மோடியைப் பார்த்து பயப்படுகின்றனர். அவர்கள் மோடியைப் பார்த்து கனவில் கூட பயப்படுகின்றனர். அண்மையில் டெல்லியில் நடந்த இந்தியத் தொழில் கூட்டமைப்பு கருத்தரங்கில் பேசிய ராகுலின் உரை மக்களை ஏமாற்றமடையச் செய்துள்ளது.

பிரதமர் வேட்பாளரை அறிவிப்பதில் பாஜகவக்கு அவசரம் இல்லை. காங்கிரஸ் தலைமையிலான ஐக்கிய முற்போக்கு கூட்டணி அரசு பெண்களை காக்கத் தவறிவிட்டது. கற்பழிப்பு குற்றவாளிகளுக்கு தூக்கு தண்டனை விதிக்கும் வகையில் சட்டத்திருத்தம் கொண்டு வர வேண்டும் என்றார்.