ஊட்டியில் களை கட்டும் குதிரை பந்தயம்: சுற்றுலாப் பயணிகள் குஷி

நீலகிரி: ஊட்டியில் சுற்றுலாப் பயணிகளை கவரும் வகையில் நேற்று குதிரை பந்தயம் துவங்கியது. இது வரும் ஜூலை மாதம் 10ம் தேதி வரை நடைபெறும்.

ஆண்டு தோறும் கோடை சீசனின் போது நீலகிரிக்கு வரும் சுற்றுலாப் பயணிகளை கவருவதற்காக பல்வேறு நிகழ்ச்சிகள் நடத்தப்பட்டு வருகிறது.
இதன் ஒரு பகுதியாக ஆண்டு தோறும் ஏப்ரல் மாதம் 13ம் தேதி துவங்கி ஜூன் மாதம் வரை ஊட்டியில் குதிரை பந்தயம் நடைபெறும். இந்த நிலையில் இந்த முறை 127வது குதிரை பந்தயம் தாமதமாக நேற்று துவங்கி ஜுலை மாதம் 10ம் தேதி வரை நடைபெறுகிறது.

இதற்காக பெங்களூர், சென்னை, புனே உட்பட பல்வேறு நகரங்களில் இருந்து 500 பந்தய குதிரைகள் வரவழைக்கப்பட்டுள்ளன. 20 குதிரை பயிற்சியாளர்கள் மற்றும் 40 ஜாக்கிகளும் வரவழைக்கப்பட்டுள்ளனர்.

ஜுன் 2ம் தேதி நீலகிரி தங்க கோப்பை போட்டி நடக்கிறது. மேலும், முக்கிய போட்டிகளான நீல்கிரீஸ் 1000 கீனிஸ் கிரேட் 3, நீல்கிரீஸ் 1000 கீனிஸ் கிரேட் 2, நீல்கிரீஸ் டெர்பி ஸ்டேக்ஸ் கிரேட் 1 ஆகிய போட்டிகள் வழக்கம் போல் நடைபெறும். டிரிபிள், குயினில்லா, வின் அன்ட் பிளேஸ் ஆகிய போட்டிகளும் நடைபெறுகிறது.

மும்பை, புனே, ஹைதராபாத், கொல்கத்தா போன்ற பகுதிகளில் நடக்கும் அனைத்து குதிரை பந்தயங்களின் தினசரி நேரடி ஒளிபரப்பு ஊட்டி ரேஸ்கோர்சில் இடம் பெறுகிறது.

English summary

Horse race has begun in Ooty on wednesday and wil be held till july 10. This race is one of the main attractions of the tourists who come there to relax.